आज फागुन ७ प्रजातन्त्र दिवस,१०४ वर्षीय जहानियाँ राणा शासन अन्त भएको दिन

७ फागुन, काठमाडौं । आज ७३ औं प्रजातन्त्र दिवस देशभर विविध कार्यक्रम गरि मनाइदै छ । १०४ वर्षे जहानियाँ राणा शासन अन्त्य भई देशमा प्रजातन्त्र स्थापना भएको दिनको सम्झनामा फागुन ७ गते प्रजातन्त्र दिवस मनाइने गरिन्छ ।

प्रजातन्त्र दिवसको अवसरमा आज सरकारले औपचारिक समारोहका साथ प्रजान्त्र दिवस मनाउने गरेको छ । भने आज सरकारले सार्वजनिक विदा गरेको छ ।

सरकारले फागुन ६, ७ र ८ गते तीन दिनसम्म विशेषरूपमा प्रजातन्त्र दिवस मनाउन आह्वान गरेको छ । तीन दिनसम्म साँझ घरघरमा दीपावली समेत गरिनेछ ।

प्रजातन्त्र प्राप्तिकै लागि भएका संघर्षमा शुक्रराज शास्त्री, दशरथ चन्द, धर्मभक्त माथेमा र गंगालाल श्रेष्ठ जस्ता होनहार योद्धाहरुले उच्च बलिदान दिएका थिए ।

उनीहरुलाई बिक्रम सम्वत १९९७ माघमा तत्कालीन राणा शासकहरुले विभिन्न स्थानमा लगि मृत्युदण्डको सजाय दिएका थिए ।

सो समय उनीहरुले प्रजापरिषद् नामक राजनीतिक दल स्थापना गरि भूमिगत रूपमा प्रजातन्त्र प्राप्तिका लागि जनतामा जागरण ल्याएको अभियोगमा उनिहरुलाई तत्कालीन राणा शासकहरुले  मृत्युदण्ड दिइएका थिए ।