ईन्टरनेट प्रदायकहरुको लापरबाहीले सडकभरी तारैतार,पैदल यात्रु र सवारि चालक मर्कामा

१ मंसिर,भक्तपुर । भक्तपुरको मध्यपुर थिमीको चारदोबाटो नजिक ईन्टरनेट प्रदायक कम्पनिहरुले आफ्नो काम सकिएपछि सडकमै फालेको तारहरुको कारण पैदलयात्री र सवारी चालकहरू मर्कामा परेका छन ।

‘केही समय अगाडी विद्युत प्राधिकरणले बत्तीको पोल परिवर्तन गर्ने क्रममा निकालिएका तारहरु मर्मत कार्य सम्पन्न गरेर आफ्नो काम सम्पन्न गरिसकेपछि प्रयोगमा नआउने तारहरु ईन्टरनेट कम्पनिहरुले सडकमै असरल्ल छोडेका हुन ।’

यसरी फालिएका र पोलहरुमा जथाभावी छोडिएका तारहरुले पैदलयात्रु र सवारी चालकहरूलाईत असर गरेकै छ यो संगै दृश्य पदूषण पनि भइरहेको छ । बालबालिकाहरुलाई विद्यालय आउन जान झनै कठिन परिवेश सृजना भएको स्थानीयहरुको गुनासो रहेको छ ।

नेपालमा इजाजत लिएका ५० वटा भन्दा बढी ईन्टरनेट कम्पनी हरु सक्रिय रहेका छन र ती मध्ये अधिकाङ्स कम्पनिहरुको भक्तपुरमा शाखा कार्यालय रहेको छ । भक्तपुर बाट मात्रै मासिक करोडौं रुपैयाँ असुल्ने कम्पनिहरुले आफुले गरेको फोहोर उठाउन नजान्नु लज्जास्पद कुरो भएको एक स्थानीयले बताएका छन ।