रोमानिया जान चाहाने नेपालीहरुका लागि खुसिको खबर,भिसा प्रोसेसको लागि ईन्डिया जान नपर्ने

१३ भदौ,काठमाडौं ।
श्रम तथा रोजगार कार्यालयले रोमानिया जाने कामदारको सहजताको लागि नेपालमै अस्थायी मिसन स्थापना गरेको छ।श्रम रोजगार तथा सामाजिक सुरक्षा मन्त्रालयले काठमाडौंको ताहाचलमा अस्थाई रोमानियन मिसन स्थापना गरेको हो।

रोजगारीको लागि रोमानिया जाने कामदारको आवश्यक भिसा प्रक्रिया लाई सरल र पहुंचयोग्य बनाउन मन्त्रालयले ताहाचलमा अस्थाई रोमानियन मिसन स्थापना गरेको जनाएको छ।रोमानिया जाने नेपालीको उताबाट रोजगारिको सम्झौता प्राप्त गरिसकेपछि भिसा प्राप्तिको लागि आवेदन दिन दिल्ली स्थित रोमानियन राजदुतावासमा जानुपर्ने स्थितिका कारण नेपालिहरुको अतिरिक्त समय र पैसा खर्च हुने भएकाले नेपालमै मिसन स्थापना गरेको मन्त्रालयका प्रवक्ता डुण्डुराज घिमिरेले जारी गरेको बिज्ञप्तिमा उल्लेख गरिएको छ।उनका अनुसार यस्ताखाले गुनासोलाई सम्बोधन गर्न समन्धित निकायसँग समन्वय गरि नेपालिहरुले रोमानियामा पाएको रोजगारी गुम्न नदिन र रोमानिया प्रवेशको लागि सहज बनाउन मिसन स्थापना गरिएको हो।
उक्त मिसनले नेपालबाट रोमानिया रोजगारी र अन्य सन्दर्भमा जान चाहाने नागरिकहरुको भिसा आवेदन प्रकृयाको सहजीकरण गर्ने छ।रोमानियन मिसनलाई आवश्यक प्रक्रियामा श्रम तथा रोजगार कार्यालय ताहाचलले आवश्यक समन्वय गर्नेछ ।
रोजगारिको सिलसिलामा रोमानिया जान चाहाने नेपाली नागरिकले नेपालमा अस्थाई रुपमा स्थापना गरिएको रोमानियन मिसनले तोकेको भिसा शुल्क बाहेक कहिँ कतै कुनैपनी प्रकारको रकम नबुझाउन वा अन्य कुनै प्रलोभनमा नपर्न पनि मन्त्रालयले बिज्ञप्ति मार्फत आग्रह गरेको छ।