काठमाडौँ, २३ मंसिर । देशका विभिन्न भागमा आज वर्षाको सम्भावना रहेको जल तथा मौसम विज्ञान विभागले जनाएको छ ।
विभागका अनुसार प्रदेश १ को पहाडी भू–भागका एकदुई स्थानमा हल्का वर्षाको सम्भावना रहेको छ । प्रदेश १ मा आंशिकदेखि सामान्य बदली हुेन र बाँकी प्रदेशका पहाडी भू–भागमा आंशिक बदली तथा अन्य भू–भागमा मौसम सामान्यतया सफा रहने छ ।
त्यस्तै आज राति प्रदेश १ र प्रदेश २ का भू–भागमा आंशिकदेखि सामान्य बदली हुने छ । बाँकी प्रदेशको पहाडी भू–भागमा आंशिक बदली तथा अन्य भू–भागमा मौसम सामान्यतया सफा रहने विभागले जनाएको छ । प्रदेश १ र प्रदेश २ का एकदुई स्थानमा हल्का वर्षाको सम्भावना रहेको छ । तराईका भू–भागमा बिहानको समयमा हुस्सु र कुहिरो लाग्ने गरेको छ । जसका कारण चिसो बढेको छ ।
