ट्रम्पले गरे एचवान-बी भिषा फ्रिज गर्ने निर्णय

अमेरिकी राष्ट्रपति डोनाल्ड ट्रम्पले एचवान-बी भिषा फ्रिज गरेको घोषणा गरेका छन् । यो घोषणासँगै विश्वभरका प्रोफेशनल आइटी प्रोफेशनलाई झट्का लागेको बताइएको छ । यो घोषणा यस वर्षको अन्त्यसम्म लागु हुने बताइएको छ । मिडिया रिपोर्टका अनुसार अमेरिकी पक्षमा यो निर्णय रहेको ट्रम्पले बताएका छन् ।

पछिल्लो समय अमेरिकामा बेरोजगारीको संख्या निकै उच्च रहेको छ । देशभित्रै रहेको बेरोजगारी संख्या कम गराउन यो निर्णय आवश्इक रहेको ट्रम्पले बताएका छन् । यो अमेरिकी नागरिकको पक्षमा गरिएको एउटा महत्वपुर्ण निर्णय रहेको उनले बताएका छन् । ट्रम्प नोभेम्बरमा हुने राष्ट्रपति निर्वाचनका लागि तयारी गरिरहेका छन् । उनले चुनाव आफ्नो पक्षमा पार्न हरसम्भव प्रयास गरिराखेको विपक्षीहरुको आरोप पनि रहेको छ ।

एचवान-बी भिषा फ्रिज जुन २४ देखि लागु हुनेछ । अमेरिकामा कार्यरत २.४ लाख कामदाहरुलाई यो निर्णयले ठुलो झट्का दिएको अधिकारीहरुले जनाएका छन् । यो निर्णयसँगै उनीहरुको भिषा रिन्यु नहुने बताइएको छ ।