श्रावण १६,काठमाडौं : प्रतिबन्धित नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीभित्र विवाद बढ्दै गएपछि स्थायी समिति र पोलिटब्युरो भंग गरिएको छ । अन्य १७ जना केन्द्रीय सदस्यलाई जिम्मेवारीमुक्त बनाइएको छ ।
पार्टीका नेताहरु धमाधम पक्राउ परिरहेका बेला विप्लव समूहको पार्टीको माथिल्लो निकायका कमिटी भंग गर्नुलाई अर्थपूर्ण रुपमा हेरिएको छ । तर, कमाण्ड भने यथावत् राखिएको छ । आन्तरिक र बाह्य संकटको सामना गरिरहेको विप्लव नेतृत्वको नेकपाका नेताहरुले भने पार्टीमा शुद्धीकरण अभियान चलाउन स्थायी समिति र पोलिटब्युरो भंग गरेको बताएका छन् ।
विप्लव समूहको पाँच सदस्यीय स्थायी समिति, ११ सदस्यीय पोलिटब्युरो र ३५ सदस्यीय केन्द्रीय समिति थियो । विप्लव समूहका एक नेताका अनुसार पोलिटब्युरो सदस्य भरत बम, अनिल शर्मा, ओम पुन, उमा भुजेल, वीरजंग चन्द र मोहन कार्कीलाई केन्द्रीय सदस्यमा घटुवा गरिएको छ । वीरजंग चन्द विप्लवकै दाइ हुन् ।
केन्द्रीय सदस्यहरु शंकर खड्का, देवीदत्त पाण्डेय, भेषराज भुसाल, पुरुषोतम विष्ट, धनबहादुर महर्जन, डम्बर विक, आजाद केसी, आरपी तिमिल्सेना, सन्तोषी बिक, कृष्ण अधिकारी, रामप्रसाद तिमल्सिना लगायत १७ जनालाई जिम्मेवारीबाट मुक्त गरिएको छ । उनीहरुलाई खुला मोर्चामा पठाउने निर्णय गरिएको जिम्मेवारीबाटै हटाइएका एक नेताले बताए ।
यस्तै, पोलिटब्युरो सदस्य मोहन कार्की र कृष्ण धमलालाई भने केन्द्रीय सदस्य समेत नरहने गरी जिम्मेवारीमुक्त गरिएको छ । एक नेताले भने, ‘‘यो पार्टी शुद्धीकरण अभियान हो । यस्तो युद्धकालीन अवस्थामा पनि तत्कालीन माओवादी पार्टीले गर्दै आएको थियो । यसले पार्टीलाई बलियो बनाउँछ ।’’
ती नेताका अनुसार पार्टीका कतिपय गोप्य सूचना समेत ‘लिक’ हुन थालेपछि केही समयमा लागि शुद्धीकरण अभियान थालिएको हो । केही दिनअघि बसेको विप्लवसहितको स्थायी समिति बैठकले पार्टीका गोप्य सूचना चुहाएको भन्दै केही नेता, कार्यकर्तालाई पार्टीबाटै बर्खास्त समेत गरेको छ ।
सरकारले गत फागुन अन्तिम साता सो समूहमाथि प्रतिबन्ध लगाएपछि झण्डै सात सयजना पक्राउ परिसकेका छन् । जसमा ३० जनाभन्दा बढी जिल्ला इञ्जार्जकै हैसियतमा रहेको प्रहरी प्रधान कार्यालयले जनाएको छ । जिल्ला इञ्जार्ज, स्थायी, पोलिटब्युरो सदस्य नै पक्राउ पर्न थालेपछि विप्लव समूहमाथि आन्तरिक सुरक्षाको चुनौती बढ्दै गएको थियो ।
विप्लव र प्रकाण्डको ‘सेल्टर’ खोज्दै प्रहरी
सरकार र विप्लव समूहबीच वार्ताको वातावरण बनिरहेको चर्चा पछिल्लो समयदेखि चलिरहेको छ । तर, विप्लव समूहले विज्ञप्ति नै जारी गरेर वार्तालाई ‘बकवास’ भनेपछि वार्ताको चर्चा सेलाउँदै गएको छ । मुलुकका तीनै सुरक्षा संयन्त्र राष्ट्रिय अनुसन्धान विभाग, नेपाल प्रहरी र सशस्त्र प्रहरी बलले महासचिव विप्लव र प्रवक्ता खड्गबहादुर विश्वकर्मा ‘प्रकाण्ड’को सेल्टर खोज्न थालेको छ । यसका लागि तीनवटै संगठनको विशेष टिम सक्रिय रहेको बताइएको छ ।
एक उच्च प्रहरी अधिकारीले भने, ‘‘विप्लव र प्रकाण्डलाई मात्रै समात्न सके सो समूह पूरै कमजोर हुने सरकारको निष्कर्ष छ । त्यसमाथि उनीहरुका विस्फोट, आगजनी लगायतका गतिविधि रोकिएका छैनन् ।’’ विप्लव र प्रकाण्डविरुद्ध देशका विभिन्न जिल्लामा मुद्दाहरु छन् । प्रकाण्ड यसअघि पक्राउ परेका छुटेका थिए भने कानुनको नजरमा विप्लव फरार सूचीमा छन् ।
भोजपुर जिल्ला अदालतमा विप्लवविरुद्ध बम विस्फोटसम्बन्धी मुद्दा दायर छ । सुरक्षा सूत्रका अनुसार नेता प्रकाण्ड उपत्यका आसपासकै जिल्लामा छन् भने विप्लवले सेल्टर परिवर्तन गर्दै हिँड्ने गरेका छन् ।
जेठ ७, काठमाडौँ । प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभा बैठकबाट विश्वासको मत प्राप्त
३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै
वैशाख ३०, काठमाडौं। नेकपा (एमाले)ले मधेश सरकारलाई दिएको समर्थन फिर्ता लिएको छ। आइतबार मधेश प्रदेशको
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी