भारतीय प्रधानमन्त्री मोदी नेपाल भ्रमणमा आउँदा तीन दिन बन्द घोषणा

भारतीय प्रधानमन्त्री नरेन्द्र मोदी तेस्रो पटक नेपाल आउँदा उनले जनकपुर र मुस्तागंको समेत भ्रमण गर्ने निधो गरे लगत्तै त्यहाँको सुरक्षा ब्यबस्था निकै कडा पारिने भएको छ । मोदीले भ्रमण गर्ने काठमाडौँ लगायतका स्थानमा गरेर ११ हजार बढी सुरक्षाकर्मीको प्रयोग गरिने भएपनि नेपाल भ्रमणका क्रममा अन्नपूर्ण पदमार्ग समेत बन्द हुने भएको छ । प्रधानमन्त्री मोदी मुस्ताङ भ्रमण जाने कार्यक्रम तय भएपछि पदमार्ग बन्द गर्न लागीएको मनाङका निमित्त प्रमुख जिल्ला अधिकारी जयराम भण्डारी बताउँछन् ।

उक्त पदमार्गमा आवत–जावत तीन दिनसम्म बन्द गरिने तयारी गरिएको निमित्त प्रमुख जिल्ला अधिकारी जयराम भण्डारीले बताए । उनले भने उक्त क्षेत्रमा भ्रमण गर्ने पर्यटक थोराङ्ला भञ्ज्याङ पार गरेर मुक्तिनाथ मन्दिर पुग्ने भएकाले सुरक्षाका लागि पदमार्ग बन्द गर्न लागिएको हो ।

निमित्त प्रमुख जिल्ला अधिकारी जयराम भण्डारीका अनुसार भारतीय प्रधानमन्त्री मोदी यही शाख २८ गते मुस्ताङको मुक्तिनाथ दर्शनका लागि जाने कार्यक्रम भएका कारण त्यसको अघिल्लो र पछिल्लो दिन अर्थात वैशाख २७ देखि २९ गतेसम्म उक्त पदमार्ग बन्द गरिनेछ । जसका कारण अन्नपूर्ण पदमार्गमा आउने पर्यटकलाई तीन दिनसम्म मनाङमै रोकिनेछ ।