अब काङ्ग्रेस नाङ्गै बसेर सडकमा घाम ताप्छ! : ओली

एमाले अध्यक्ष केपी ओलीले वाम गठबन्धन भत्काउन खोज्नेलाई ‘खुराफातमा पिएचडी गरेका डाक्टर’ को संज्ञा दिएका छन् । उनले त्यस्ता डाक्टर नाङ्गै सडकमा हिड्ने अवस्था उनले समेत बताए ।बुधबार स्वास्थ्य परीक्षण गर्न थाइल्याण्डको बैंकक जानु अघि बुधबार त्रिभुवन अन्तराष्ट्रिय विमानस्थलमा सञ्चारकर्मीसँग कुरा गर्दै अध्यक्ष ओलीले यस्तो अभिव्यक्ति दिएका हुन् । ‘खुराफाती डाक्टरहरु बाम गठबन्धन भत्काउन नाङगै सडकमा हिँडेका छन् तर त्यो उनीहरुको योजना सफल हुँदैन, उनीहरु अव माघको घाम ताप्छन्’, ओलीले भने । दुई पार्टी छिट्टै एक हुनेमा आशंका नगर्न आग्रह गर्दै ओलीले भने, ‘म फर्केपछि अरु समितिहरु बनाइन्छ, त्यसपछि एकता प्रकृया तीव्र हुन्छ ।’  पार्टी अध्यक्ष प्रचण्ड हुने हो भन्ने पत्रकारको प्रश्नमा ओलीले अहिले बोल्दा हतारो हुने बताए । 
त्यस्तै नेताको व्यवस्थापनमा समस्या भएको भन्ने समचारको पनि खण्डन गरे । भने‘ हामी नेताको व्यवस्थापन हैन, मुलुकको व्यवस्थापन गर्न लागेका हौ, गरिवी र चिसोको व्यवथापन गर्न गइरहेका छौ जवकी समृद्ध राष्ट्र बनाउने हम्रो योजना छ । ’

ओलीले सरकारलाई असक्षमको संज्ञा दिए । ‘निर्वाचन सम्पन्न भएको एक महिना विसितसक्दा पनि सरकारले प्रदेश प्रमुख र प्रदेश राजधानी तोक्न ढिलाई गरेर आफ्नो असक्षमता देखाएको छ यो भन्दा असक्षमता के हुन्छ ?’ अध्यक्ष ओलीले भने, ‘प्रतिनिधि सभा सरकार गठन गर्न व्यवस्था गरिएको हो । महिलाको ३३ प्रतिशतको कुरा राष्ट्रिय सभा र प्रदेश सभाबाट गरिन्छ तर, आयोगले प्रतिनिधिसभाको नतिजा रोकेर हामीलाई पाठ पढाइरहेको छ ।’ 

निर्वाचन आयोग कसैको गोटी बनेर नतिजा सार्वजनिक गर्न ढिलाई गरिरहेको ओलीले आरोप समेत लगाए । ‘आयोग मत परिणाम सार्वजनिक गर्न आनाकानी गर्छ । निहुँ खोज्छ । अनि हामीलाई पढाउन खोज्छ ’ओलीको भनाई छ । ओली थाइ एयरलाइन्सको विमानबाट नियमित स्वास्थ्य जाँचका लागि बैंकक गएका हुन् । उनी माघ २ गते फर्कने कार्यतालिका रहेको छ ।