‘म यस्तो गीत गाउँछु’ ६३ दिनमा

यो बर्षकै पहिलो सुपरहिट चलचित्र ‘म यस्तो गीत गाउँछु’ काठमाण्डौका केही हलमा अझै पनि चलिरहेको छ । काठमाण्डौको अष्टनारायण हलमा ५१ दिनसम्म चलेको यो चलचित्र गोपिकृष्ण र गुणमा ६३ दिन पुग्दा पनि प्रदर्शन भैरहेको छ ।

चलचित्रले ५१ दिन मनाएको अवसरमा सेलिव्रेशन गर्ने प्रचलन खुबै छ । तर, निर्देशक सुदर्शन थापा र उनको टिमले ‘म यस्तो गीत गाउँछु २’ बनाउने घोषणा गरिसकेका छन् । तर, बर्षकै पहिलो सुपरहिट चलचित्रको सेलिव्रेशन गरेनन् ।

नायिका पूजा शर्मा र नायक पल शाहको मुख्य भूमिका रहेको यो चलचित्रले बम्पर व्यापार गरेको थियो । चलचित्र रिलिज भएको ठ्याक्कै २ महिनापछि पल शाह अभिनित चलचित्र ‘जोनी जेन्टलम्यान’ हलमा आजबाट रिलिज भएको छ ।

कतै निर्माणपक्षले चलचित्रको सय दिने सेलिव्रेशनको तयारी त गरिरहेको छैन ? निर्देशक सुदर्शन थापा भन्छन्-‘हामी विशेष कार्यक्रम आयोजना गर्छौ । तर, त्यो ७५ दिनमा वा सय दिनमा पनि हुनसक्छ । पछि जानकारी दिनेछौ ।’

चलचित्र रिलिज भएको केही सातापछि तराइमा बाढी गएको थियो । नायिका पूजा शर्मा र उनको टिमले १ लाख भन्दा बढीको सामाग्री लगेर चितवनका बाढी पिडितलाइ राहत वितरण गरेकी थिइन् ।