सुरुमा यो एउटा तस्वीर, जसले मेरो लेन्सले देखेर खिचिक्क पारिसनसक्दै मेरा आँखामा साउन भेल ल्याएको थियो । भदौरे झरी रोकिएपछि खुलेको आकाशबाट सात सूर्य नै मधेसमा झरेको भान हुन्थ्यो । बफ्याउने त्रिपालमुनीको रापमा यी एक भुरा (बालक) लोलाएर सुतेका थिए । पहिले फोटो खिचे । क्यामेराको लेन्स जुम गर्दै जाँदा उनको पेटको छाला ढाडपट्टिको करङ्गमा टासिन लागेको देखे । अन्नका केही गेडा त्यहाँ पस्न पाएका थिए त त्यो अवस्था हुनेनै थिएन ।
सोधे केही खाएको छैनौँ ? सुकेर कलटी फर्केका ओठबाट आवाज निस्किन सकेन । सासले विस्तारै सुस्केरेर “चाउचाउ खाएको” उनले जवाफ दिए । मलाई हिक्क भयो प्रश्न गरिहाल्न सकिन । यत्तिकै मेरो मुखबाट कहिले ? भन्ने शब्द फुत्कियो । हिँजो दुईवटा चाउचाउ मात्र थियो । सबैले त्यही बाँडेर खाएको उनले भने । नजिकै रहेका एकजनाले उनका बाबु, आमा र दुई भाईबहिनी छन् भन्दै मलाई बुझाईरहेका थिए । मनमा अमिलो पस्यो । पाँच जनालेको परिवारले दुईवटा चाउचाउ खाएको १७ घण्टा वितिसक्यो । म त्यहाँ पुग्दा भोलीपल्टको ३ बजिसकेको थियो ।
अरुसँग कुराकानी गर्न भन्दा मलाई हठात् केही बाडिहाल्न मन लाग्यो । ल्याएको केही खाद्यन्न वितरण गरे । मेरो साथमा गएका साथीहरुलेपनि वितरण गर्नुभयो । सबैलाई भाग लगाएर दिएपछि मलाई केही थप बुझ्न मन लाग्यो । केही त्रिपालभित्र पुगे । भुराहरुको कुरा सुन्दा मनलाई थाम्नै सकिन । सबैको कहालीलाग्दो कहानी छ ।
अर्को हरियो त्रिपालमुनी सुतेका ७ बर्षका रामलखन विष्कुट खानपनि नसक्ने बनेका भेटिए । मुख पुरै सुकेको थियो । पिउन मिल्ने पानी थिएन । विष्कुट र चाउचाउ मात्रले शासको त्र्यान्द्रो अल्झ्याउनु परेको थियो । हामीले दिएको पानीलाई अमृत जस्तै ठान्दै थिए ।
११ बर्षकी यी गोग्गुले १० मिनेटसम्म पानीको बोट्टल खोल्नै मानिन । खेलाईरहिन् । प्यार गरेर च्यापिराखिन् । कुनै बेला कम्मरमा टसाएर राखिन् त कुनैबेला थाप्लोमा राखेर नाच्दै उफ्रिइन् ।
सप्तरी ४ कैलाडीयाका केही प्रतिनिधि तस्वीर मात्र पेस गरे । जुन सदरमुकाम राजविराजबाट मात्र १५ किलोमिटर छ । पुरै बगाएको यो दलित बस्तीमा खासै राहात वितरण गर्न पुगेको देखिएन । सबैले सशस्त्र प्रहरीको बेशक्याम्पमा थुपारेर फर्किने गरेका रहेछन् । हामी भने त्यहाँ पुग्ने कोसिस गरेर त्यहाँ पुगेका थियौँ । संकलित करिब ८ लाखका राहात सामाग्री र केही नगद बोकेर हामी त्यहाँ पुगेका थियौँ । चामल, त्रिपाल, बाल्टी, तेल, दाल, च्युरा, भुजिया, विस्कुट, चाउचाउ, मिठाइ लगायत गरेर वितरण गर्न सफल भईयो । तर दुर्भाग्य भोको पेट रहेको पुरै बस्तीले जब हामीले चाउचाउ, विष्कुट वितरण गरेको देख्यो सबै एक आपसमा लुछाचुडी गर्न थाले । कसैका कपडा च्यातिए, कसैलाई चोट लाग्यो । सहज भागबण्डा गर्न सकिएन ।
त्यहाँ अधिकांश भुराहरु (बालबालिका) का आङ्का आधा भागमा कुनै कपडै थिएनन् । भएकापनि झुत्रिएर लत्रिएका थिए । हाम्रो आँकलन यो अवस्था बाढीले मात्र ल्याएको भने पक्कै हैन । जहाँ कमजोर त्यही पहिरो गएको परिणाम हो । अति विपन्न बस्तीमा बाढीको चपेटाले झनै केही नभएपछि ल्याएको कहालिलाग्दो अवस्था हो । गरिबीका कारण कुपोषण, रोग, भोकको शिकार बनेको त्यो समुदायमा सबैको अवस्था यही हो ।
तर मधेसमा बाढीको कहरले निम्त्याएको दुर्दशाबाट भुराहरु (बालबालिका) को अवस्था देखेर कुनैपनि मानवजातिको आँखा रसाउन रोकिन्न । त्यो दुःखलाई सहयोगी हातहरुले टार्न जरुरी छ ।
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न