प्रदेश सभा र प्रतिनिधि सभाको निर्वाचन एकै दिन गर्ने

काठमाडौं । प्रमुख तिन दल प्रदेश सभा र संघीय निर्वाचन एकैदिन गर्न सहमत भएका छन् । वुधबार प्रधानमन्त्री शेरबहादुर देउवाले बोलाएको बैठकमा दुवै चुनाव मंसिरको दोश्रो साताभित्र गर्ने निचोड निस्किएको हो । निर्वाचन आयोगले प्रदेशसभा र संघीय संसदको चुनाव एकैपटक गर्न कठिन भएको बताएपनि विद्युतीय भोटिङ प्रणालीबाट भने सम्भव हुने बताएको छ /आगामी मंसिरमा दुवै तहको निर्वाचन गर्ने निर्णय गरि निर्वाचन आयोगलाई जानकारी गराईसकेपनि अन्य प्राविधिक र कानुनी विषयमा भने छलफल गर्न बाँकी रहेको दलहरुले बताएका छन् ।
दुवै निर्वाचन एकै चोटी गर्न कठिनाइ भएतापनि प्रत्यक्षतर्फ संघीय संसद र प्रदेशसभाका लागि एउटा मतपत्र बनाउन सकिनेछ, जसमा दुई ठाउँमा स्वस्तिक छाप लगाउने व्यवस्था गर्न सकिनेछ । समानुपातिकका लागि संघीय संसद र प्रदेशसभाका लागि एक ठाउँमा मत दिने व्यवस्था गर्न सकिने दलका नेताहरुको भनाइ रहेको छ ।
छलफलमा संसदमा विचाराधीन संविधान संसोधनको विषयलाई पनि टुंगोमा पुर्याउने सहमत तिन शिर्ष दलहरुबीच भएको छ । यो संगै राजपा आगामी तेश्रो चरणको निर्वाचनमा जाने ढोका पूर्ण रुपमा खोलिने छ यद्दपी संसोधन प्रस्ताव पारित भए अथवा नभए पनि राजपा निर्वाचनमा जान भने तयार भएको छ ।