३२ साउन, रौतहट – रौतहटबासीले जिल्लालाई संकटग्रस्त क्षेत्र घोषणा गर्न माग गरेका छन् । उद्योगी व्यवसायी, राजनीतिक दल तथा स्थानीयबासीले बाढीका कारण रौतहटमा ठूलो क्षति भएको भन्दै अविलम्ब संकटग्रस्त क्षेत्र घोषणा गर्न र राहतका प्याकेजहरु ल्याउन सरकारलाई आग्रह गरेका हुन् ।
उद्योग वाणिज्य संघ रौतहटका प्रतिनिधिहरुले जिल्ला प्रशासन कार्यालयमा प्रदर्शन समेत गरेका छन् । बाढी आएको तीन दिनसम्म पनि प्रशासनले राहतका कार्यक्रमहरु प्रभावकारी रुपले अगाडि बढाउन नसकेको र क्षतिको विवरणसमेत संकलन गर्न नसकेको भन्दै व्यवसायी तथा स्थानीयले प्रदर्शन गरेका हुन् ।
व्यवसायीले प्रमुख जिल्ला अधिकारी उद्धव बहादुर थापालाई भेटेर रौतहट जिल्लालाई संकटग्रस्त क्षेत्र घोषणा गर्न तथा राहतका कार्यक्रम अघि बढाउन माग गरेका छन् ।
बाढीका कारण खाद्यान्न, कपडा, इलेक्ट्रोनिक्स, औषधि लगायत अर्बौंको लगानी बाढीमा नष्ट भएको छ । खाद्यान्न गोदाममा व्यवसायीले भण्डारण गरेर राखेका लाखौं क्वीन्टल चामल, दाल, गहुँ तथा अन्य बालीहरु बाढीले नष्ट बनाएको छ ।
‘हजारौं क्वीन्टल चामल र गहुँ राखिएको गोदाममा पानी पस्यो । कुनै चिज पनि जोगाउन सकिएन,’ खाद्यान्न व्यवसायी गोपाल अग्रवालले भने, ‘५० लाख भन्दा बढीको क्षति भएको छ । कसलाई भन्ने, के गर्ने बुझ्नै नसक्ने भएको छु ।’
सामानका साथै बिल भर्पाइ समेत बाढीले नष्ट भएकाले आर्थिक कारोबार गर्न समस्या भएको व्यवसायीहरु बताउँछन् । ‘अब व्यवसायीसँग कुनै पनि कागजात छैन, भोलिको दिनमा कारोबार कसरी गर्ने ?’ हार्डवेयर व्यवसायी पण्डितप्रसाद जयसवालले भने, ‘कर कसरी तिर्ने ? स्टक कसरी देखाउने भन्ने चिन्ता छ ।’ सरकारले रौतहटलाई संकटग्रस्त क्षेत्र घोषणा गरेर स्थानीयलाई बाँच्ने आधार दिनु पर्ने उनको माग छ ।
प्रमुख जिल्ला अधिकारी उद्धवबहादुर थापाले भने व्यवसायी तथा स्थानीयको मागबारे गृह मन्त्रालयलाई जानकारी गराउने बताए । उनले राहतका लागि पहल भइसकेको जानकारी पनि दिए ।
झाँझ, बागमती, लालबकैया र चाँदी नदीमा बाढी आउँदा रौतहटको गौर, गरुडा र चन्द्रपुर समेत तीन नगरपालिका र १३ ग्ााँउपालिकाका अधिकांश भूभाग डुबानमा परेको छ । लालबकैया नदी आसपासका क्षेत्रमा बढी क्षति भएको छ ।
बुधवार बिहानदेखि फेरि पानी पर्न थालेपछि बाढी पीडितहरु थप समस्यामा परेका छन् । सडक किनारमा पालमा बसेकाहरु भोकभोकै बस्न बाध्य छन् । बाढीका कारण रौतहट जिल्लामा हालसम्म १८ जनाको मृत्यु भएको छ भने दुई जना हराइरहेका छन् ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
