जुवाघर सञ्चालिका समेत रहेकी मालिका गाउँपालिकाकी पार्वती पुन भनिने सविनासहित ८ जना पुरुषलाई नियन्त्रणमा लिइएको प्रहरी नायव उपरीक्षक बसुन्धरा खड्काले बताउनुभयो । तीन प्याकेट तासका बट्टासहित विभिन्न रङका गोटीको प्रयोग गरेर जुवा खेलिरहेको घरमा ताल्चा फोरेर भित्र प्रवेश गरी उनीहरुलाई पक्राउ गरिएको उहाँले जानकारी दिनुभएको छ ।
प्रहरी निरीक्षक दिवाकर घिमिरेको कमाण्डमा खटिएको टोलीले गुरिल्ला शैलीमा प्रवेश गरेर जुवाडेलाई नियन्त्रणमा लिएको प्रहरीको भनाई छ । प्रहरी प्रवेश गरेको जानकारी पाएपछि जुवाडे घरको पछिल्लो भागबाट भाग्ने प्रयास समेत गरेका थिए ।
पक्राउ पर्नेमा जिल्लाभित्रका र विभिन्न जिल्लाबाट आएका व्यक्तिहरु रहेको प्रनाउ खड्काले बताउनुभयो । प्रहरीकाअनुसार पक्राउ पर्नेहरुको परिचयसहित आवश्यक विवरण सङ्कलन र प्रारम्भिक अनुसन्धान भैरहेको छ । प्रहरीले सूचनाका आधारमा निगरानी बढाएको थियो ।
तास र पैसा हुने ठाउँमा गोटी मात्रै भेटिए पनि नयाँ शैलीको जुवाघर फेला परेको भन्दै थप अनुसन्धानबाट अन्य जुवाघरसम्म पुग्न सकिने प्रहरीको अनुमान लगाएको छ । जुवाखालबाट प्रहरीले एक रुपैयाँ पनि नगद नभेटिनु निकै चासोपूर्वक हेरिएको बताएको छ । जुवाडेले कसरी पैसा व्यवस्थापन तथा एकले अर्कोलाई दिन्छन् भन्ने समेत पत्ता लगाइरहेको प्रहरीको भनाई छ । यसलाई आधुनिक जुवाघरका रुपमा लिइएको प्रनाउ खडकाको भनाई रहेको छ ।
