२५ असार,झापा । नेकपा एमालेका अध्यक्ष केपी शर्मा ओलीले दोस्रो चरणको स्थानीय चुनावमा धेरै ठाउँमा एमालेले एमालेलाई हराएको भन्दै अन्तरघातीलाई निर्मम कारवाही हुने चेतावनी दिएका छन् ।
गृहजिल्ला झापामा नवनिर्वाचित जनप्रतिनिधिहरुलाई बधाई दिन आयोजित कार्यक्रममा एमाले अध्यक्ष ओलीले झापाको चुनावी परिणामप्रति पनि असन्तुष्टि जनाए ।
झापाका १५ स्थानीय तहमध्ये अर्जुनधारा नगरपालिकाको परिणाम नआउँदै एमालेले ११ उपप्रमुख जितिसकेको छ । तर, प्रमुख भने ६ स्थानमा मात्र जितेको अवस्था छ ।
एमालेले यसलाई अन्तरघातको कारण भनेको छ । झापाको गौरादह, बुद्धशान्ति र मेची नगरपालिकामा प्रमुख हार्नुको कारण खोज्न ओलीले जिल्ला नेतृत्वलाई निर्देशन दिए । ‘हामीले सधैं जित्ने गरेका ठाउँमा किन र कसरी हारियो ? मलाई एक साताभित्र स्पष्टकरण चाहिन्छ’ ओलीले भने, ‘सधैंभरि एमाले हुने एक दिन मतदान केन्द्रमा गएर रुखमा भोट हाल्ने मान्छे एमालेमा रहन पाउँदैन, त्यस्ता मान्छेको एमालेका स्थान छैन ।’
झापामा एमालेका जिल्ला अध्यक्ष चिन्तन पाठक नै बुद्धशान्ति गाउँपालिकामा पराजित भएको र सचिव मदन अधिकारी एमालेको गढ गौरादहमा पराजित भएकोमा ओली क्षुब्द देखिएका छन् । त्यस्तै मेचीनगरमा बिष्णु प्रसाईले हार्नुमा अन्तरघात भएको उनको ठहर छ ।
अन्तरघात गर्नेहरुको पहिचान गरेर निर्मम कारवाही गर्न उनले निर्देशन समेत दिएका छन् । पार्टी सचिव प्रदीप ज्ञवाली र काठमाडौंका पूर्व मेयर केशव स्थापितसहित झापा पुगेका ओलीले जनप्रतिनिधिहरुलाई विपक्षीलाई समेत समेटेर विकास निर्माणको काममा लाग्न निर्देशन दिए ।
एक नम्बर प्रदेशमा धेरै ठाउँमा एमालेले अन्तरघातका कारण प्रमुख पद गुमाउनुपरेको निष्कर्ष ओलीले निकालेका छन् । १ नम्बर प्रदेशमा एमालेले १३ ठाउँमा प्रमुख हारेर उपप्रमुख जितेको छ । प्रदेशमा ६७ स्थानमा प्रमुख जित्दा उपप्रमुखमा ८० जना जितेका छन् । ओली बिजय उत्सवमा सहभागी हुन पूर्वी नेपालमा छन् ।
उनी शनिवार धनकुटा पुगेका थिए । धनकुटामा एमालेले सबै स्थानीय तह जितेर इतिहास रचेको भन्दै ओलीले जिल्ला अध्यक्ष राजेन्द्र राईलाई म्यान अफ द इलेक्सन घोषित गरेका थिए ।
संविधान संशोधन विदेशी डिजाइन
पूर्व प्रधानमन्त्री समेत रहेका एमाले अध्यक्ष ओलीले संविधान संशोधनको हल्ला फेरि सत्तापक्षले गर्न थालेको भन्दै विदेशीले डिजाइन गरेको त्यो प्रस्ताव कुनै हालतमा पास हुन नदिने बताए ।
उनले हिमाल, पहाड र तराईलाई अलग गर्ने योजना सफल हुन नदिने बताए । ओलीले एमाले विरुद्ध विदेशीकै उक्साहटमा गठबन्धन बनेको र त्यो गठबन्धलाई जनताले चुनावबाट परास्त गरेको बताए ।
उनले अदालत, निर्वाचन आयोग स्ता संवैधानिक अंगहरु सरकारको लाचार छायाँ बन्न लागेको भन्दै चिन्ता व्यक्त गरे । ओलीले भरतपुर महानरपालिकाको प्रकरणमा अदालतले अहिलेसम्म फैसला दिन नसक्नु त्यसको उदाहरण भएको टिप्पणी गरे ।
हेर्नुस् भिडियो
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
आश्विन ९ ,काठमाडौं । सर्वोच्च अदालतले विवादित पृष्ठभूमि भएका मेडिकल व्यवसायी दुर्गा प्रसाईंलाई थुनामुक्त गर्न
भदौ ३० गते । विश्वव्यापी रूपमा पहिलो पटक आधाभन्दा बढी जनसङ्ख्याको कुनै न कुनै प्रकारको
