१८ असार,काठमाडौं । दोस्रो चरणमा चुनाव भएका ३५ जिल्लाका ३४४ स्थानीय तहमध्ये आइतवार अपरान्ह ४ बजेसम्म २०० स्थानको मतगणना सकिएको छ । केही स्थानीय तहको गणना सकिए पनि औपचारिक घोषणा बाँकी छ ।
अझै ११४ स्थानीय तहको मतगणना जारी रहँदा नेकपा एमालेले शुरुदेखिकै अग्रता कायम गरेको छ । १३ नगरपालिका सहित ९१ स्थानीय तह जितेर पहिलो स्थान सुरक्षित गरेको छ ।
नेपाली कांग्रेसले २० नगरपालिका सहित ७६ स्थानीय तह जितेर एमालेलाई पछ्याइरहेको छ । कांग्रेस र एमालेबीच बढिमा २० स्थानीय तहको अन्तरमा प्रतिस्पर्धा भइरहेको छ ।
माओवादी केन्द्रले ३ नगरपालिका सहित २९ स्थानीय तह जितेर तेस्रो स्थान सुरक्षित गरेकेा छ । चौथो स्थानमा संघीय समाजवादी फोरम र राष्ट्रिय जनमोर्चाले दुई दुई स्थानीय तह जितेका छन् भने फोरम लोकतान्त्रिकले एक स्थानीय तह जितेको छ ।
अहिलेसम्म प्रदेश नम्बर १ का तेह्रथुम,धनकुटा,संखुवासभाको मतगणना सम्पन्न भएको छ । त्यस्तै प्रदेश नम्बर ५ का रोल्पा र रुकुमको मतगणना सकिएको छ भने प्रदेश नम्बर ७ का अधिकांश पहाडी जिल्लाको गणना सकिएको छ ।
डोटी, बझाङ, डडेलधुरा, बैतडीका सबै स्थानीय तहको गणना सकिएको छ भने बाजुरा र दार्चुलाका एक/एक तहको गणना बाँकी छ ।
दोस्रो चरणको चुनावमा एमालेले धनकुटा र माओवादीले रुकुमका सबै स्थानीय तह जितेर क्लिन स्वीप गरेका छन् ।
मतगणना चलिरहेका एक महानगर र सात उपमहानगरमध्ये एमालेले ५ उपमहानगरमा अग्रता लिएको छ । कांग्रेसले एक महानगर र एक उपमहानगरमा अग्रता कायम गरेको छ भने राप्रपाले एक उपमहानगरमा अग्रता लिएको छ ।
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
आश्विन ९ ,काठमाडौं । सर्वोच्च अदालतले विवादित पृष्ठभूमि भएका मेडिकल व्यवसायी दुर्गा प्रसाईंलाई थुनामुक्त गर्न
भदौ ३० गते । विश्वव्यापी रूपमा पहिलो पटक आधाभन्दा बढी जनसङ्ख्याको कुनै न कुनै प्रकारको
