यसरी खोले प्रचण्डले राजिनामा दिनुको रहस्य

२३ जेठ, काठमाडौं । प्रधानमन्त्री पुष्पकमल दाहाल प्रचण्डले कांग्रेस र कांंग्रेस सभापति शेरबहादुर देउवाको दवावका कराण राजिनामा नदिएको स्पष्ट पारेका छन् । व्यवस्थापिका संसद बैठकलाई संबोधन गर्दै प्रचण्डले कसैको दवावमा नभई आफ्नै चाहनाले राजिनामा दिएको बताए ।

कांग्रेससँग स्थानीय तहको निर्वाचन गराईसकेपछि पदबाट राजिनामा दिने कांग्रेससँगको सहमति भएपनि प्रचण्डले आफूले चाहेको भए दोस्रो चरणको निर्वाचनसम्म बस्न सक्ने बताए । तर आफूले राजिनामा नदिँदा दोस्रो चरणको निर्वाचन हुन नसक्ने विभिन्न कोष आफूले जानकारी पाएको भन्दै दोस्रो चरणको निर्वाचन शुनिश्चितताका लागि पनि राजिनामा दिएको उनको भनाई थियो ।

पहिलो चरणको निर्वाचन सम्पन्न भइसकेको अवस्थामा आफूले राजिनामा दिएपनि दोस्रो चरणको निर्वाचन हुने र त्यसले प्रदेश र केन्द्रको समेत शुनिश्चिता हुने भएकाले राजिनामा गर्नु परेको प्रचण्डको भनाई छ ।

प्रधानमन्त्री प्रचण्डले सरकारमा गएपछि सजिलै नछोड्ने परिपार्टीलाई चुनौती दिनु पनि आफ्नो राजिनामा भएको बताए । एमाले अध्यक्ष केपी शर्मा ओलिले उठाएको नौतिकताको प्रश्नको जवाफ दिँदै प्रचण्डले भने, ‘इमान मुखले भनेर भन्दा व्यवहारले गरेर देखाउने कुरा हो, मैले त्यही गरें ।’