२२ चैत, काठमाडौं प्रधानमन्त्री पुष्पकमल दाहाल प्रचण्डले स्थानीय तहको निर्वाचन सफल पार्नु राष्ट्रको प्रमुख कार्यभार भएको बताएका छन् ।
माओवादी केन्द्रका अध्यक्ष समेत रहेका प्रधानमन्त्री प्रचण्डले भने, ‘स्थानीय तहको निर्वाचन हुनु नै माओवादी केन्द्रको जित हो, हाम्रो एजेण्डाको जित हो । नेपाली जनताको जित हो, राष्ट्रको जित हो ।’
पार्टी केन्द्रीय कार्यालय, पेरिसडाँडामा आयोजित आदिवासी जनजाति राष्ट्रिय महासङ्घ, नेपाल ३ नं प्रदेश भेला तथा प्रशिक्षण कार्यक्रमलाई सम्बोधन गर्दै उनले कुन पार्टीले जित्छ र कुन पार्टीले हार्छ भन्ने कुरा गौण विषय भएको बताए । उनले अघि भने, तर मुलुकले जित्नुपर्छ, नेपाली जनताले जित्नुपर्छ ।’
माओवादीले जनयुद्धकालदेखि उठाउँदै आएका सङ्घीयता, गणतन्त्र, लोकतन्त्र, समावेशीता, समानुपातिक सहभागिता, धर्म निरपेक्षतासहितका एजेण्डा नयाँ संविधानमार्फत् संस्थागत गरिएको बताउँदै उनले संविधान कार्यान्वयनका लागि निर्वाचन सफल पार्नुपर्ने बताए । सङ्घीयताको जग बसाल्न निर्वाचन जरुरी भएको बताउँदै परिवर्तनका उपलब्धि जोगाउन चाहने सबै स्थानीय निर्वाचनमा सहभागी बन्नुपर्नेमा जोड दिए ।
परिवर्तनका एजेण्डा खोस्न चाहनेलाई मात्र निर्वाचन नचाहिएको भन्दै प्रधानमन्त्रीले सबै परिवर्तनकारीलाई एकताबद्ध भएर निर्वाचनमा होमिन आग्रह गरे ।
माओवादीको एकतामा जोड दिँदै उनले अहिले माओवादी पार्टी देशभक्त र जनपक्षीय शक्ति हो भन्ने कुरा राम्रैसँग पुष्टि हुन पुगेको बताए। आफू नेतृत्वको सरकारले विद्युत्भार कटौतीको अन्त्य गरेको, राष्ट्रिय गौरवका आयोजनाका रुपमा रहेको मेलम्ची खानेपानी, माथिल्लो तामाकोसी जलविद्युत् आयोजना शीघ्र सम्पन्न गर्न पहल गरिएको बताए ।
यस्तै, हुलाकी सडक तथा काठमाडौँ–तराई–मधेस द्रुतमार्गजस्ता ठूला आयोजना छिटो सम्पन्न गर्ने पहल गरिएको, छिमेकीसँग सन्तुलित सम्बन्ध विकास गरिएको, २४ वर्षपछि सबैभन्दा बढी आर्थिक वृद्धिदर हासिल गर्नेलगायतका कैयौँ उपलब्धि हासिल भएको बताउँदै प्रधानमन्त्रीले माओवादी नै यो देश र जनताको भरोसायोग्य शक्ति हो भन्ने पुष्टि भइसकेको बताए । रासस
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने