८० जना न्यायाधीशको नियुक्ति विवाद मुद्दा हेर्दाहेर्दैमा

गतवर्ष उच्च अदालतमा नियुक्त गरिएका ८० जना न्यायाधीशहरुको नियुक्ति विवाद सम्बन्धी मुद्दाको सर्वोच्च अदालतमा आज जारी अन्तिम सुनुवाइ हेर्दाहेर्दैमा राखिएको छ । 

बिहीबार अन्तिम सुनुवाइ भन्दै सो मुद्दा न्यायाधीशत्रय ओमप्रकाश मिश्र, वमकुमार श्रेष्ठ र डम्बरबहादुर शाहीको पूर्ण इजलासको पहिलो नम्बरमा राखिएको थियो । यसअघि कात्तिकको २३ गते सो मुद्दा हेर्न नभ्याउने भन्दै सारिएको थियो ।

उक्त नियुक्ति मुद्दामा दलगत भागबण्डाको आधारमा ८० जना न्यायाधीशलाई रातारात नियुक्ति गरेको आरोप न्यायपरिषदले खेप्नुपरेको थियो । 

महान्यायाधीवक्ता दुर्गाबन्धु पोखरेल, अधिवक्ताहरु डिलहरी शर्मा, प्रकाशकुमार काफ्ले, सुरेन्द्रप्रसाद यादव र तोयानाथ ढुंगानाले सो मुद्दा दर्ता गराएका हुन् । 

तत्कालीन प्रधानन्यायाधीश सुशीला कार्कीले बालुवाटारमा बैठक राख्दै मध्यरातमा उच्च अदालतमा न्यायाधीश सिफारिस गरेकी थिइन् । 

नियुक्तिका लागि रोलक्रमको पहिलो नम्बरमा रहेका जिल्ला न्यायाधीश प्रकाश काफ्लेदेखि महान्यायाधिवक्ता कार्यालयका नायव महान्यायाधिवक्ता पोखरेलले दायर गरेको उक्त मुद्दामा हेर्दाहेर्दैमा राखिएको छ । पेसीको अर्को तारिख भने तोकिसकिएको छैन ।

 

photo

NOC1-250x300