हुण्डी कारोबारी विरुद्ध अहिले सम्मकै ठूलाे मुद्दा दायर

काठमाडौं, १२ भदौ – राजश्व अनुसन्धान विभागले  हुण्डी कारोबारी विरुद्ध अहिले सम्मकै सबैभन्दा ठूलो मुद्दा दायर गरेको छ । विभागले काठमाडौं जिल्ला अदालतमा उनीहरू विरुद्ध मुद्दा दायर गरेको हो ।

district-court-kathmandu

चार अर्व १४ करोड विगो दावी सहित काठमाडौं जिल्ला अदालतमा मुद्दा दायर गरिएको विभागका महानिर्देशक भुपाल बरालले जानकारी दिए । राजश्व छलिमा विगोको तीन गुणा सम्म जरिवाना समेत लिन पाउने कानूनी व्यवस्था रहेको छ । कति जरिवाना तोक्ने भन्ने विषय अदालतको हातमा छ ।

विभागले काठमाडौंमा बसेर हुण्डी कारोबार गर्ने ७ जना विरुद्ध मुद्दा दायर गरेको हो । विभागका अनुसार मिलन गुरुङ, धरमकुमार गुरुङ, निलिमा थामी राई, राजेन्द्रमान गुरुङ, विद्यादेवी गुरुङ, दलबहादु पुन र लबकुमार नेपाल विरुद्ध विभागले मुद्दा दायर गरेको छ ।

उनीहरुलाई प्रहरीले जेबु टुर्सबाट पक्राउ गरेको थियो । उनीहरुलाई प्रहरीले अनुसन्धानको लागि विभागको जिम्मा लगाएको थियो ।

 

photo

NOC1-250x300