काठमाडौं, ३० फागुन । संघीय मामिला तथा स्थानीय विकास मन्त्रालयको जिम्मेवारीमा आएदेखि नै कुशल नेतृत्व प्रदान गरेपनि कमल थापाका कारण विस्थपित भएका हितराज पाण्डेलाई अर्को महत्वपूर्ण मन्त्रालय थमाउनु पर्ने दबाब माओवादी केन्द्रबाटै उठेको छ ।
स्रोतका अनुसार, पाण्डेलाई मन्त्रीमा निरन्तरता दिन पार्टीभित्रैबाट दबाब परेपछि नारायणकाजी श्रेष्ठको खेमाबाट शिक्षा मन्त्री बनेका धनीराम पौडेलको ठाउँमा उनलाई पठाउनेबारे छलफल सुरु भएको खबर छ ।
‘कमल थापाका कारण हितराज विस्थापित भएपछि उनलाई यही मन्त्रिपरिषद्मा अर्को महत्वपूर्ण मन्त्रालयको जिम्मेवारी दिने बारे पार्टीमा छलफल भइरहेको छ,’ स्रोतले भन्यो । प्राप्त समाचार अनुसार, धनिरामलाई प्रचण्डले सम्हाल्दै आएको पशुपंक्षी विकास मन्त्रालय दिएर पाण्डेलाई शिक्षा मन्त्रालयको जिम्मेवारी दिने संभावना रहेको बताइन्छ
