सरकारलाई समितिको निर्देशन : रकम तोकेरै बाढी पीडितलाई राहात दिन

१ भदौ, काठमाडौं – बाढी पीडितलाई तत्काल राहत, शुद्ध पानी र अस्थायी बसोबासलगायतको सुविधा उपलव्ध गराउन संसदीय समितिले सरकारलाई निर्देशन दिएको छ ।

Artha-samiti

सिंहदरबारमा आज बसेको व्यबस्थापिका संसद अन्तर्गतको अर्थ समिति बैठकले प्रभावित क्षेत्रमा महामारीको जोखिम बढ्दै गएको भन्दै संक्रामक रोग फैलन नदिन औषधिसहित चिकित्सकलाई पठाउन निर्देशन दिएको समेत दिएको छ ।

बैठकले विपद् व्यवस्थापनमा सरकारले प्रभावकारी काम गर्न नसकेको ठहर गरेको छ । त्यस्तै समितिले बाढी प्रभावित क्षेत्रमा तत्काल पीडितको सुरक्षा र आवासको व्यवस्था गर्न सम्बन्धित मन्त्रालयलाई निर्देशन दिएको सभापति प्रकाश ज्वालाले जानकारी दिए ।

समितिले बाढि, पहिरो र डुबानबाट मृत्यु भएकाका परिवारलाई ५ लाखका दरले क्षतिपूर्ति उपलब्ध गराउन पनि सरकारलाई निर्देशन दिएको छ ।

बैठकमा समिति सदस्यहरुले प्राकृतिक प्रकोपबाट भविष्यमा हुन सक्ने जोखिमलाई न्युनिकरण गर्ने ठोस कार्यक्रम ल्याउन सरकारको ध्यानाकर्षण गराएका थिए ।

 

photo

NOC1-250x300