March 10, 2017

राजधानीमा गर्भवती महिला र बच्चा उच्च जोखिममा

thकाठमाडौं  । सुरुवाती दिनमै उपत्यकामा तीनजना बिरामी फेला परेको शुक्रराज ट्रपिकल तथा सरुवा रोग अस्पतालका निर्देशक डा. रमेशकुमार खरेलले जानकारी दिए । गर्मीयाम सुरु नहुँदै उपत्यकामा हेपाटाइटिस ‘ई’ (जन्डिस) का बिरामी देखिन थालेका छन् । 
हेपाटाइटिस ‘ए’ तथा ‘ई’ पानी र खानेकुराबाट सर्ने भएका कारण पछिल्लो समय नेपालमा यसका रोगी देखिन थालेका हुन् । पानी नउमाली प्रयोग गर्ने र केमिकलयुक्त खानेकुराको उपभोगले हेपाटाइटिस ‘ई’को जोखिम बढेको चिकित्सकहरूले बताएका छन् ।

अस्पतालका डा. शेरबहादुर पुनका अनुसार मैतीदेवी र ललितपुरका तीनजनामा हेपाटाइटिस ‘ई’ देखिएको हो । सन् २०११ मा विराटनगरमा एक महिनाको अवधिमा हेपाटाइटिस ‘ई’का कारण १४ जनाको मृत्यु भएपछि यो रोगबारे चासो बढ्न थालेको हो । धेरै अस्पतालले परीक्षण गर्दा सामान्य रूपमा लिइदिने गरेका कारण पनि यसको समस्या बढ्ने गरेको डा. पुनले बताए । ‘बिरामीहरूले सुरुमा उपचार गराउन निजी अस्पताल रोज्ने गरेका छन् । स्वास्थ्य परीक्षणमा निजी अस्पताल तथा नर्सिङ होमहरूले स्पष्टका साथ रोग नभनिदिँदा बिरामीको स्वास्थ्य अवस्था गम्भीर बन्न पुग्छ । औषधि नपाउने भएका कारण पनि हेपाटाइटिस ‘ई’का बारेमा सचेत बन्नुपर्ने अवस्था छ,’ उनले भने ।

हेपाटाइटिस ‘ई’को उच्च जोखिममा गर्भवती महिला र बच्चा पर्ने गरेको अस्पतालका निर्देशक खरेलले बताए । ‘अरू जन्डिसजस्तो हेपाटाइटिस ‘ई’ होइन । गर्भवती भएका वेला महिलामा हर्मोन परिवर्तन हुने गर्छ । यसले कलेजोमा संक्रमण गर्ने भएकाले आमा र बच्चा दुवैमा बढी खतरा हुन्छ,’ उनले भने ।

हेपाटाइटिस ‘ई’ भएका गर्भवतीमध्ये ३० प्रतिशत मृत्यु हेपाटाइटिस ‘ई’कै कारणले हुने गरेको विश्व स्वास्थ्य संगठनको तथ्यांक छ । त्यसैले गर्भवती महिलाले आफ्नो खानपानमा विशेष ध्यान दिनुपर्ने डा. पुन बताउँछन् । ‘हेपाटाइटिसलाई जन्डिस मात्रै भन्ने चलन छ । इपटाइटिस ‘ए’ ‘बी’ ‘सी’ र ‘ई’ छन् । हेपाटाइटिस ‘बी’ र ‘सी’ पानीबाट नभई रगतको माध्यमबाट सर्ने गर्दछ  ।

तर, ‘ए’ र ‘ई’ पानी र खानेकुराको प्रयोगबाट सर्ने गर्छ,’ डा. पुनले भने, ‘कुनै पनि कोणबाट गर्भवती महिलालाई हेपाटाइटिस ‘ई’ हुनुहुँदैन । यदि ‘ई’ भएको अवस्थामा गर्भवतीको पेटमा रहेको बच्चाको मृत्यु हुनुका साथै आमाको समेत मृत्यु हुने सम्भावना धेरै हुन्छ ।’

प्रतिक्रिया दिनुहोस्
सम्बन्धित वर्गका समाचारहरू

नयाँ ट्याक्सीको दर्ता नखोल्दा जनता उदासीन

अनुसा थापा,भक्तपुर । यातायात कार्यालय, एकान्तकुनामा दैनिक दर्जनौं सर्वसाधारणहरु नयाँ ट्याक्सीको विषयमा सोधखोज गर्न धाइरहेका

श्रमजीवी पत्रकारलाई गलत्याउने हर्कत विरुद्ध राससमा धर्ना

२८ असोज,काठमाडौं । वर्षाैदेखि राष्ट्रिय समाचार समिति (रासस) मा कार्यरत २२ जना श्रमजीवि पत्रकारको रोजगारी

जांडको तालमा कार्यकर्ता गोद्ने काङ्ग्रेस इकाई सभापतिले पीडितसंग माफी मागे,प्रहरीले गरायो मिलापत्र

२८ असोज,सिन्धुपाल्चोक । दशैको नवमिको दिनमा जांडको तालमा आफ्नै कार्यकर्ता गोद्ने नेपाली काङ्ग्रेस मेलम्ची –

काङ्ग्रेस इकाई सभापतिको गुण्डागर्दी,जांडको तालमा आफ्नै कार्यकर्तालाई रामधुलाई

१८ असोज,सिन्धुपाल्चोक । नेपाली काङ्ग्रेस मेलम्ची-९ ज्यामिरेका इकाई सभापति भुपेन्द्र खड्काले आफ्नै स्थानीय कार्यकर्ता कमल

तौथलिमा दहि जात्रा, त्रिपूरासुन्दरीको पहिचान

२० असोज,सिन्धुपाल्चोक । सिन्धुपाल्चोक त्रिपूरासुन्दरी गाउँपालिकाको तौथलिमा ‘दहि जात्रा ‘ सम्पन्न भएको छ । होलीमा

आज विजयादशमी, टीकाको उत्तम साइत ११:५१ बजे

१९ असोज,काठमाडौं । नेपालीहरूको महान् चाड बडादसैँअन्तर्गत आज विजयादशमी टीकाको दिन रहेको छ ।