यी हुन् दुनियाँका कुरुप कुकुरहरु (फोटोफिचर सहित)

Martha-ugliest-Dog-of-tha-World

सुन्दरहरुको सुन्दरतामा प्रतिस्पर्धाका लागि सौन्दर्य प्रतियोगिता हुनु स्वभाविकै हो । तर यो दुनियामा कुरुपहरुको कुरुपता दर्शाउनका लागि समेत प्रतियोगिता हुन्छ ।

 

यस्तै कुरुप प्रतियोगिता भएको छ कुकुरहरुबीच । विश्वको सबैभन्दा कुरुप कुकुर छनोट गर्नका लागि हरेक वर्ष ‘वर्ल्डस् अगलिएस्ट डग कन्टेस्ट’ नामक प्रतियोगिताको आयोजना गरिन्छ । र, यसपटकको २९ औं प्रतियोगितामा विश्वको सबैभन्दा कुरुप कुकुरको उपाधि ५७ किलो तौलयुक्त मार्था नामक कुकुरले जितेको छ ।

मेस्टिफ नश्लको यो कुकुर कुरुपतामा साँच्चिकै उदाहरण नै छ । विभिन्न १३ देशका प्रतियोगीलाई पछि पार्दै मार्थाले उपाधि चुमेको हो । प्रतियोगिताका दौरान स्टेजमा लैजाँदा मार्थाले साँच्चीकै कुरुपताको हद पार गरेको देखिन्थ्यो । उ जमिनमा उँघिरहेको थियो । उसको मुखको आसपासका काला छालाका विशाल लोतीहरु साँच्चीकै कुरुपताका उदाहरण नै हुन् ।

मार्थाका मालिक जिन्डलरका अनुसार मार्था निकै गम्भीर घाइते भएर बँचेको हो । ऊ दुर्घटनामा परेर झण्डै अन्धो भैसकेको थियो । सर्जरीपछि उसको दृष्टि फर्किएको हो ।

प्रतियोगितामा आ-आफ्ना कुरुप कुकुरहरुलाई भिडाउन कुकुर मालिकहरु कस्सिएका थिए । सहभागी कुकुरहरु एक से एक कुरुप देखिन्थे ।

दुनियाको सबैभन्दा कुरुप कुकुरको उपाधिसँगै मार्थाले १५ सय अमेरिकी डलर पुरस्कार हात पारेको छ । यतिमात्र होइन उसले पुरस्कारकै रुपमा न्युयोर्कको भ्रमण समेत गर्न पाउनेछ ।

अमेरिकाको क्यालिफोर्नियास्थित सोनोमा काउन्टीको पेटालुमामा भएको सोनोमा मरिन महोत्सवका दौरान कुरुप कुकुर प्रतियोगिताको आयोजना भएको हो । हेरौँ प्रतियोगितामा सहभागी केही कुरुप कुकुरहरु

 

photo

NOC1-250x300