३ भदौ, सिरहा – सिरहाका बाढी तथा डुवान प्रभावित क्षेत्रमा झाडा पखालाको माहामारी फैलिएको छ । औरहीमा मात्र झाडापखालावाट २० भन्दा बढी बालवालिका सहित ६३ जना गम्भिर रुपमा विरामी परेका हुन । झाडा पखाला फैलिए पछि जिल्ला स्वास्थ्य कार्यालय सिरहाले औरहीमा स्वास्थ्य शिविर संचालन गरेको छ । शिविरमा ६३ जनाकै उपचार भईरहेको छ ।
त्यसैगरी लहान नगरपालिका एकको मुसहर वस्तीमा पनि झाडा पखाला फैलिएको छ । स्वास्थ्य कार्यालय सिरहाले सो ठाउँमा पनि स्वास्थ्यकर्मी पठाई विरामीहरुको उपचार सुरु गरिएको जनाएको छ ।
जिल्लाको ईटारी प्रशाहीमा र सुखिपुर क्षेत्रमा पनि स्वास्थ्य शिवीर संचालन गरिएको छ । बाढी तथा डुवान क्षेत्रमा रोग व्याधीको महामारी फैलिन नदिन खानेपानी तथा सर सफाई कार्यालय लहानले सर सफाई सम्बन्धि जनचेतनामुलक कार्यक्रमहरु संचालन गरिरहेको छ ।
