२७ असार , काठमाडौं : स्थानीय निर्वाचनमा साहसीक काम गरेको भन्दै नेपाल प्रहरीका हवल्दार दुर्गाबहादुर राना निकै चर्चामा थिए । उनलाई पुरस्कार घोषणा दिने घोषणा गृहमन्त्री जनार्दन शर्माले टेलिफोनबाटै गरेका थिए । उनै रानालाई महानगरिय प्रहरी आयुक्तको कार्यालयले पुरस्कार दिएको छ । रानालाई आयुक्त कार्यालयले पुरस्कार स्वरुप १५ सय रुपैयाँ प्रदान गरेको हो ।
प्रहरी हवल्दार दुर्गा बहादुर राता तिनै व्यक्ति हुन् जसले दाङको तुल्सिपुरमा रहेको मतदान केन्द्रंमा फ्याँकिएको बम ‘क्याच’ गरेर फालेका थिए ।
महानगरिय प्रहरी आयुक्त कार्यालयले राना सहित अन्य तीन जना प्रहरीलाई पनि पुरस्कृत गरेको छ । प्रहरी हवल्दारद्वय दुर्गाबहादुर राना र धनप्रसाद कुमाल तथा जवान दलबहादुर आले पुरस्कृत भएका हुन् । तीनैजना आयुक्त कार्यालय मातहत कार्यरत छन् ।
हवल्दार रानाले दाङको तुलसीपुरस्थित मतदान केन्द्रमा राखिएको बम समातेर फ्याँक्दै सम्भावित मानवीय क्षति हुनबाट रोकेका थिए । कुमाल र आलेले बलम्बुको मतदानमा मतपेटिका फाल्न खोज्नेलाई रोकेका थिए ।
तीनै जनालाई जनही एक हजार पाँच सय रुपैयाँ प्रदान गरिएको महानगरीय प्रहरी आयुक्त कार्यालयका निमित्त प्रमुख डीआईजी बमबहादुर भण्डारी जनाए ।
