प्रधानमन्त्री–मोर्चा वार्ता तनावपूर्ण, चेतावनी दिएर बाहिरिए नेताहरू

Madheshi-Morcha-Puspakamal-Dahal-Baluwatar-MNeetingकाठमाडौं, ७ फागुन । प्रधानमन्त्री पुष्पकमल दाहाल र संयुक्त लोकतान्त्रिक मधेसी मोर्चाबीच भएको वार्तामा कुरा नमिलेपछि तनावपूर्ण अवस्था सृजना भएको छ ।

प्रधानमन्त्रीको निवास बालुवाटारमा शनिबार भएको लामो बैठकमा प्रधानमन्त्री दाहालले निर्वाचन र संविधान संशोधनको विधेयकलाई सँगसँगै अगाडि बढाउने प्रस्ताव राख्दै सहयोगको आग्रह गरेपछि मधेसी मोर्चाले सिधै अस्वीकार गरेको हो ।

बैठकपछि कुरा गर्दै राष्ट्रिय मधेस समाजवादी पार्टीका महासचिव केशव झाले प्रधानमन्त्रीले निर्वाचनको मिति घोषणा गर्न लागेको र सो विषयमा सहयोग गर्न आग्रह गरेको जानकारी दिए ।

‘प्रधानमन्त्रीज्यूले निर्वाचनको मिति घोषणा गर्न लागेको छु । तपाईहरूले सहयोग गर्नुस् । संविधान संशोधनको विधेयक संगसंगै अगाडि बढाउनु भन्नुभयो’, महासचिव झाले भने, ‘तर, मधेसी मोर्चाले संविधान संशोधन विधेयक पारित नगरेर निर्वाचनको मिति घोषणा भयो भने त्यही दिन हामीले पनि आन्दोलन घोषणा गर्छौं भनेर चेतावनी दिएका छौँ । आजको बैठक कुनै पनि निश्कर्षमा पुग्न सकेन ।’

बालुवाटार बैठकमा सरकारी पक्ष र मधेसी मोर्चाका नेताहरूबीच निर्वाचनको मिति र संशोधन विधेयकलाई लिएल लामै बहस र चर्काचर्की भएको थियो ।

बैठकमा सहभागी कांग्रेसका नेताहरूले पनि स्थानीय निर्वाचनको मिति घोषणा गरेर जाने विषयमा सहयोग गर्न मधेसी मोर्चाका नेताहरूलाई आग्रह गरेका थिए ।

स्रोतका अनुसार प्रधानमन्त्री दाहालले संभवत आजै वा भोलि आइतबारभित्र मन्त्रिपरिषदको बैठक बसालेर निर्णय गर्ने मुडमा रहेका थिए ।

बालुवाटार बैठकमा प्रधानमन्त्री दाहालका साथै माओवादी केन्द्रका नेता नारायणकाजी श्रेष्ठ, कांग्रेसका महामन्त्री डा.शशांक कोइराला, गृहमन्त्री विमलेन्द्र निधि, संघीय समाजवादी फोरम नेपालका अध्यक्ष उपेन्द्र यादव, तराई मधेस लोकतान्त्रिक पार्टीका अध्यक्ष महन्थ ठाकुर, सद्भावना पार्टीका अध्यक्ष राजेन्द्र महतो, फोरम गणतान्त्रिकका अध्यक्ष राजकिशोर यादव, राष्ट्रिय मधेस समाजवादी पार्टीका महासचिव केशव झालगायतका नेताहरूको सहभागिता रहेको थियो ।

प्रतिक्रिया दिनुहोस्
सम्बन्धित वर्गका समाचारहरू

भक्तपुर क्षेत्र नं. २ प्रदेश (क) मा एमालेका किरण थापा विजयी

८ मंसिर,भक्तपुर । भक्तपुर क्षेत्र नं. २ को प्रदेश सभा (क) मा नेकपा एमालेका उम्मेदवार

माओवादी केन्द्रको गढ मानिने रुकुम पुर्वमा पनि स्वतन्त्र उम्मेदवार विजयी

७ मंसिर,काठमाडौं । पुष्पकमल दाहाल नेतृत्वको माओवादी केन्द्रको गढ मानिने रुकुममा पनि स्वतन्त्र उम्मेदवार सुरल

मतदान कार्यमा जेष्ठ नागरिकहरु उत्साहित,म्याग्दीमा १०७ वर्षीय वृद्धले गरे मतदान

४ मंसिर,म्याग्दी । जारी प्रतिनिधिसभा र प्रदेशसभा सदस्य निर्वाचनअन्तर्गत आइतबार म्याग्दीमा १०७ वर्षीय वृद्धले मतदान

मानव तस्कर राजनीति र फ्री भिसा फ्री टिकट गरिब झुक्याउने नाटक

नेपाली युवाहरूलाई बिश्वका श्रम बजारहरुमा बिक्री गर्नको निमित्त वैदेशिक रोजगार बिभागले स्थापित गरेको फ्री भिसा

मालेमा केन्द्रको चुनाव बहिस्कार कार्यक्रम यथावत,व्याक भोटको प्रचार गरेकोमा आपत्ति

१ मंसिर, हेटौंडा,नेकपा (मालेमा केन्द्र) ले लिएको आगामी संसदीय तथा प्रदेशसभाको निर्वाचन बहिष्कारको निति यथावत