प्रत्येक मतदान केन्द्रमा सेनाको वम डिस्पोजल टोली खटिने

pradesh-7-surakshya

१२ असार, डोटी । बुधबार हुने स्थानीय तहको निर्वाचनमा हुनसक्ने अपि्रय घटनालाई मध्यजनर गरी प्रदेश नम्बर ७ का सबै मतदान केन्द्रमा बम डिस्पोजल टोलीसहितको सुरक्षा व्यवस्था मिलाइएको क्षेत्रीय प्रशासक शिशिरकुमार ढुंगानाले बताएका छन् ।

 

स्थानीय तहको निर्वाचनमा शान्ति सुरक्षाको बस्तुस्थितिका बारेमा जानकारी गराउन डोटीको दिपायलमा गरिएको पत्रकार सम्मेलनमा क्षेत्रीय प्रशासक ढुङ्गानाले भने, ‘मतदान, मतपेटिका ढुवानी, मतगणना र बिजयउत्सवलाई समेत ध्यानमा राखेर हामीले सुरक्षा योजना वनाएका छौं’ ।

प्रत्येक स्थानीय तहमा एक बम डिस्पोजल टोलीको व्यवस्था गरिएको जानकारी दिँदै उनले भने, ‘प्रदेश भरिमा ९० बम डिस्पोजल टोली, एक माईन डिटेक्टिभ वहान र नेपाली सेनाको रेञ्जर फोर्स पनि तयारी अवस्थामा छ ।’

‘निर्वाचन सुरक्षाकाकारण सोमवारबिहानै देखि अन्तराष्ट्रिय सिमाना ७२ घण्टाका लागि शील गरेका छौं’ उनले भने ‘आन्तरिक (प्रदेश प्रदेशबीचको सिमाना) सिमाना पनि शील गर्नका लागि प्रदेश नं. ६ को सुरक्षा संयन्त्रसँग छलफल भइरहेको छ ।’

प्रशासक ढुंगानाले निर्वाचनका लागि तीन तहको सुरक्षा व्यवस्था मिलाइएको जनाए । ‘बिगतका अनुभवहरु र सुरक्षा अवस्थालाई ध्यान दिँदै यस प्रदेशका तीन सय १८ मतदान केन्द्रहरुलाई अति संबेदनशील र तीन सय ३७ केन्द्रलाई संवेदनशीलको सूचीमा राखेर सुरक्षा व्यवस्था मिलाएका छौं’ पत्रकार सम्मेलनमा ढुंगानाले भने ।

उनले यहाँका प्रत्येक मतदान केन्द्रहरुमा नेपाली प्रहरी र म्यादीसमेतको २० जनाको टोली हुने तथा सशस्त्र प्रहरी पनि परिचालन गरिने जानकारी दिए ।

एक उपमहानगरपालिका, ३३ नगरपालिका र ५४ गाउँपालिका गरी ७ नं. प्रदेशमा रहेका ८८ स्थानीयको निर्वाचन शान्तिपूर्ण रुपमा सम्पन्न गर्नका लागि २२ हजार ७०५ सुरक्षाकर्मी परिचालनगरिएको ढुङ्गानाले जानकारी दिए ।

५ हजार १०० नेपाली सेना, ८ हजार २७८ नेपाल प्रहरी, ६ हजार ४७० म्यादी प्रहरी र २ हजार ६८८ साजै १२० जना राष्ट्रिय अनुसन्धानका सुरक्षाकर्मी सुदूरपश्चिममा परिचालन गरिएको प्रशासक ढुंगानाले जानकारी दिए ।

पत्रकार सम्मेलनमा सुरक्षा अवस्थाबारे जानकारी गराउँदै ढुङ्गानाले भने ‘हामीले मतदानस्थलदेखि मतदातको घर-घरसम्मको सुरक्षा व्यवस्था मिलाएका छौं ।’

८८ स्थानीयतहको चुनाव सम्पन्न गर्नका लागि एक हजार एक सय ९ मतदान स्थल र एक हजार सात सय ८१ मतदान केन्द्रमा मतदान हुनेछ । यस प्रदेशमा १३ लाख नौ हजार पाँच सय ४६ मतदाता रहेको ढुङ्गानाले जानकारी दिए ।

उनले भने ‘मतदान सम्पन्न गराउनका लागि १६ हजार आठ सय कर्मचारीहरु खटाइएका छन । सुरक्षा संबेदनशीलतालाई ध्यानमा राख्दै नेपाली सेनाको सुदूरपश्चिम पृतना मुख्यालय दिपायलमा हेलिकप्टर पनि तयारी अवस्थामा राखिएको छ ।’ हेलिकप्टरलाई जटिल अवस्थामा र संबेदनशील केन्द्रवाट मतपेटिका ढुवानीका लागि प्रयोग गरिने उनले वताए ।

मतगणनाका लागि प्रत्येक स्थानीय तहमा दुई टोली बनाइएको र चार दिनभित्र सवै स्थानीय तहको परिणाम घोषणा भइसक्ने पनि उनले वताए । निर्वाचनका क्रममा अवान्छित क्रियाकलापहरु हुन सक्नेतर्फ मध्यनजर गर्दै हालसम्म १६ जनालाई नियन्त्रणमा लिइएको ढुङ्गानाले वताए । उनले भने ‘मतदाताको पूर्ण रुपमा सुरक्षा हुन्छ, ढुक्क भएर मतदानगर्न जान म सवैलाई अनुरोध गर्दछु ।’

प्रतिक्रिया दिनुहोस्
सम्बन्धित वर्गका समाचारहरू

आजदेखि निर्वाचनका लागि दल दर्ता गर्ने

काठमाडौँ, २२ साउन । निर्वाचन आयोगले मंसिर ४ को निर्वाचनका लागि आजबाट दल दर्ता गर्ने भएको

ई-सिमको परीक्षण पूरा, वितरणको तयारी

 २०७९ साउन २१,काठमाडौं । सरकारी स्वामित्वको दूरसञ्चार कम्पनी नेपाल टेलिकमले इन्टरनेटमा आधारित सिमकार्ड (ई–सिम) को

श्रावण २० गते देखि सर्बोच्च अदालत शुक्रबार पुरै दिन सेवा दिन तयार

श्रावण २० गते शुक्रबार देखि  सर्वोच्च अदालतबाट पूरा समय सेवा प्रवाह हुने भएको छ।  गत

ब्याजदर बढाउन बैंकहरूलाई दबाब

काठमाडौँ, १९ साउन । संस्थागत निक्षेपकर्ताहरुले व्यक्तिगतले पाउनेभन्दा दुई प्रतिशत कम व्याज पाउने भएपछि बैंक तथा

मन्त्री शर्मासँग काम गर्न सचिव मरासिनी अनिच्छुक

काठमाडौँ, १८ साउन । जनार्दन शर्मा अर्थमन्त्री भएर फेरि मन्त्रालय फर्किएसँगै अहिले नयाँ अर्थ सचिवको

आज साउन १५ अर्थात् खीर खाने दिन

काठमाडौँ, १५ साउन । आज साउन १५ अर्थात् खीर खाने दिन । आज देशभर खीर