१ भदौ, काठमाडौं – नेकपा माओवादी केन्द्रका अध्यक्ष पुष्पकमल दाहाल प्रचण्डले जनकपुर उपमहानगरपालिका वडा नम्बर १८ भोयलका २ सय बाढी पीडित परिवारलाई राहत सामग्री बितरण गरेका छन् ।
आज बिहान नेता मातृका यादवका साथमा जनकपुर पुगेका अध्यक्ष प्रचण्डले बाढी पीडित परिवारलाई चामल, दाल, तेल, नुन, चिनी, चाउचाउ, बिस्कुट लगायतका खाद्य सामग्री राहतस्वरुप बितरण गरेका हुन् ।
राहत बितरण गर्दै अध्यक्ष प्रचण्डले नेपालीलाई दुख्दा सिङ्गो देश एक ढिक्का भएको बताउँदै बाढी पीडितको दुःखमा साथ दिन जनकपुर आएको बताए ।
उनले सरकार र पार्टीको तर्फबाट बाढी पीडितको सहयोगका लागि पहल गर्ने बताए । अध्यक्ष प्रचण्डले राहत र पुर्नस्थापनामा सत्ता पक्ष, प्रतिपक्ष नभनी काम गर्न सबै पार्टीलाई आब्हान गरे ।
