जेठ २३, काठमाडौं -निर्वाचन आयोगलाई पत्र लेख्दै नयाँ शक्ति पार्टी नेपालले आफ्ना पार्टीका उम्मेदवारलाई ज्यान मार्ने धम्की आएको दावी गरेको छ । नयाँ शक्तिले स्वतन्त्र निष्पक्ष र भयरहित निर्वाचनको कुनै संभावना नदेखिएको पनि बताएको छ । तर, ज्यान मार्ने धम्की कहाँ र कसलाई दियो भन्ने पत्रमा उल्लेख छैन ।
यस्तो छ, पत्र
श्री निर्वाचन आयोग
बहादुर भवन,काठमाण्डौ ।
विषय ः ध्यानाकर्षण बारे ।
उपरोक्त सम्वन्धमा कुनै पनि निर्वाचन त्यसमा पनि नयाँ संविधान वमोजिमको स्थानीय तहको निर्वाचन लोकतन्त्रको आधार एवं मेरुदण्ड भएकाले कुनै पनि मुल्यमा भयरहित, शान्तिपुर्ण, निष्पक्ष एवं धाधलीरहित तवरले सम्पन्न होस भन्ने चाहना राखेका कारणले हाम्रो पार्टी निर्वाचन चिन्हवाट वन्चित हुदा पनि निर्वाचनमा सामेल भयो । पहिलो चरणको निर्वाचनमा हामीले भौतिक आक्रमण र धम्कीहरुको सामना गर्न पर्यो । तै पनि हामी कुनै पर्वाह नगरी चुनावी मैदानमा डट्यौ । त्यही उच्च मनोवलका साथ दोश्रो चरणको निर्वाचनमा पनि सहभागी हुने जानकारी गराउन चाहन्छौ ।
निर्वाचन भयरहित, स्वच्छ, निष्पक्ष र धाधली रहित वनाउने कुरामा पुराना राजनैतिक दलहरुको कुनै चाहना देखिएन । साम, दाम, दण्ड, भेद प्रयोग गरेर जसरी पनि निर्वाचन जित्ने धेयले काम गरेको पाईयो । सत्ता र शक्तिको चरम दुरुपयोग गर्दै नयाँ शक्ति पार्टी माथि विभिन्न प्रकारका घेरावन्दी, धम्की तथा भौतिक आक्रमण भएकोप्रति निर्वाचन आयोगको विशेष ध्यानाकर्षण गराउन चाहन्छौ ।
दाश्रो चरणको निर्वाचनको तयारीको शिलशिलामा पनि देशैभरी हाम्रो पार्टीका उम्मेदवार नेता कार्यकर्ताहरु उपर आक्रमण, धम्की र घेरावन्दीका घटनाहरु निरन्तर भैरहेका छन् । यसै क्रममा प्रदेश नं।५, दाड जिल्लाको राप्ती गाउँपालिकामा नयाँ शक्ति पार्टीको प्रचार टोली मतदाताहरुको घर दैलामा गैरहेका वखत सत्तारुढ दल माओवादी केन्द्रका स्थानीय नेता कार्यकर्ताहरुको जत्था आई अनायासै आक्रमण गरी आतंक फैलाउने काम गरेकाछन् भने अन्धाधुन्द कुटपिट गरी नयाँ शक्ति पार्टी नेपालका केन्द्रीय कार्यकारी सदस्य तथा स्थानीय लोकपप्रिय नेता नन्द चौधरी समेतलाई मरणाशन्न अवस्थामा पुर्याएका छन् । उम्मेदवार तथा प्रचारटोली एवं मतदाताहरुमाथि समेत नयाँ शक्ति पार्टीमा लागेमा ज्यान मार्ने धम्की दिएका छन् । यस्तो अवस्थामा चुनाव प्रचार गर्न सक्ने अवस्था नै छैन भने स्वतन्त्र निष्पक्ष र भयरहित निर्वाचनको कुनै संभावना देखिएको छैन ।
तसर्थ उक्त घटनाको छानविन गरी आक्रमणकारीहरुलाई कारवाहीको दायरामा ल्याई भयरहित वातावरणमा निर्वाचन सम्पन्न गर्ने वातावरण सिर्जना गर्न सम्वद्ध पक्षहरुको विशेष ध्यानाकर्षण गराउदै निर्वाचन आयोग समक्ष विशेष आग्रह गर्दछौ ।
खिमलाल देवकोटा
प्रवक्ता
बुटवल, असार २३ गते – हालै सार्वजनिक भएको माध्यमिक शिक्षा परीक्षा (एसईई) २०७९ को नतिजामा
असार १७, काठमाडौं ।नेपाल प्रहरीले सामाजिक सञ्जाल तथा अनलाइन माध्यममार्फत भइरहेका ठगी घटनाप्रति गम्भीर चिन्ता
जेठ ९,काठमाडौँ । शिक्षा, विज्ञान तथा प्रविधिमन्त्री रघुजी पन्तले सञ्चारमाध्यमहरूबाट व्यक्तिहरू ‘भिक्टिमाइज’ हुने प्रवृत्ति बढ्दै गएको
निशा चौधरी ५ जेठ २०८२, समाजमा विभिन्न किसिमका नियम, कानुन, मूल्य र मान्यता रहेका हुन्छन्
०८२ वैशाख २९ गतेकाठमाडौँ । : महान्यायाधिवक्ता रमेश बडालले उच्च सरकारी वकील कार्यालय, पाटनको भवन शिलान्यास
कोलकाता, वैशाख १७ गते । भारतको कोलकाता सहरको एक होटलमा भीषण आगलागी हुँदा कम्तीमा १५ जनाको
