काठमाडौं,
। दीपाश्री निरौला निर्देशित फिल्म छक्का पन्जा सर्वाधिक व्यावसायिक सफलता हात पारेलगत्तै ‘छक्का पन्जा २’ निर्माण हुने भएको छ ।
आमा सरस्वती मुभिजको प्रस्तुतीमा दीपकराज गिरी र दिपाश्री निरौलाले फिल्म ‘छक्का पन्जा २’ निर्माण गर्ने लागेका हुन् ।
दिपाश्रीको निर्देशन रहने गर्ने गरी ‘छक्का पञ्जा २’ निर्माण हुने दिपकले सामाजिक सञ्जाल फेसबुकमार्फत जानकारी दिएका छन् ।
फेसबुकमा दिपकले लेखेका छन्,‘छक्का पञ्जा नेपाली चलचित्र इतिहासकै सबैभन्दा बढि दर्शकले हेरेको चलचित्र भयो । केहि कमी कमजोरीलाई पनि तपाईहरूले औल्याइदिनु भएको छ । त्यो सबैलाई मन र मस्तिष्कमा राखेर नयाँ चलचित्रको घोषणा गर्न जाँदैछौं ।’
निर्देशक विकास आचार्यको कथा रहने फिल्ममा दिपकराजको पटकथा तथा संवाद रहनेछ । युवा पुस्ताबीच हुने छक्का पञ्जाको कथा रहने बताइएको ‘छक्का पञ्जा २’ मा सबै जसो ‘छक्का पञ्जा’ का कलाकारहरु दोहोरिने छन् । फिल्ममा पुरानासँगै केही नयाँ कलाकारहरु पनि थप हुनेछन् । फिल्मको सबै तयारी सकिएपछि जेठको दोश्रो साताबाट सुटिङ सुरु गर्ने दीपकले फेसबुकमा उल्लेख गरेका छन् ।
