डा. केसीको अनसन तोडाउन सरकारलाई निर्देशन

२६ साउन, काठमाडौं – डा. गोविन्द केसीको अनशन तोडाउन सरकारलाई संसदीय समितिले निर्देशन दिएको छ । सिंहदरबारमा आज बसेको सामाजिक न्याय तथा मानव अधिकार समितिले शिक्षा मन्त्रालय र स्वास्थ्य मन्त्रालय मार्फत डा. केसीको अनशन चाँडोभन्दा चाँडो तोडाउन निर्देशन दिएको हो ।

images-cms-image

डा. केसीका उचित माग पूरा गरेर चाँडोभन्दा चाँडो अनशन तोड्ने वातावरण बनाउन समितिले निर्देशन दिएको सभापति सुशीलकुमार श्रेष्ठले जानकारी दिए । बैठकमा उपप्रधानमन्त्री एवं शिक्षामन्त्री गोपालमान श्रेष्ठले डा. केसीको मागप्रति सरकार निकै संवेदनशिल भएकोभन्दै जायज मागलाई सम्बोधन गर्न सरकार तयार गरेको बताए ।

बैठकमा समिति सदस्यहरुले लामो समयदेखि डा. केसी अनसनमा बस्दा पनि सरकारले कुनै चासो नै नदिएको भन्दै आक्रोश पोखेका थिए । चिकित्सा शिक्षा सुधारको मागमा सरकारले गरेका सहमति पालना नगरेको भन्दै केसीले ११ औं पटक अनसनमा बसेका छन् ।

माथे कार्यदलको प्रतिबेदन कार्यान्वयन गर्नुपर्ने, चिकित्सा शिक्षा अध्ययन संस्था आईओएममा डिनको सिफारिसमा सहायक डिन र क्याम्पस प्रमुख नियुक्ति गर्नुपर्ने तथा सरकार र अदालतको आदेश नमान्ने मेडिकल कलेजको सम्बन्धन खारेज गर्नुपर्ने डा. केसीको माग छ ।

 

photo

NOC1-250x300