जेलर बेद बहादुर खरेलले कमिसन खाएर नियम कानुनको खिल्ली उडाए ।

Manraj-Gurung-12.10-2073 Center-Jail-12.11-2073-768x512चैत ११, काठमाडौं– काठमाडौंको रानीवारीमा अनाहक मारिएका ईन्जिनियर हेमन्त श्रेष्ठ र उनकी श्रीमती अन्जना श्रेष्ठको हत्यामा संलग्न मनराज गुरुङ्गलाई केन्द्रिय कारागार जगन्नाथ देवलका जेलरले नियमविपरीत ‘आउटडोर नाईके’को सुविधा दिएको पाईएको छ ।

लामो समय गर्भमा रहेको ‘रानीबारी हत्याकाण्ड’ को रहस्य खोल्दै १२ बर्षपछि २०७१ चैतमा केन्द्रिय अनुसन्धान ब्युरोका तत्कालीन डिआईजी हेमन्त मल्लले मनराज गुरुङ्गलाई पक्राउ गरेर मुद्दा चलाएका थिए ।

जिल्ला अदालत काठमाडौंको आदेशले पुर्पक्षको लागि जगन्नाथदेवलस्थित भद्र बन्दीगृहमा रहेका गुरुङ्गलाईशुरक्षा गार्ड लिएर जेल बाहिर जाने सुविधा दिएका हुन् ।

कारागार ब्यवस्था नियमावली अनुसार मुद्दा फैसला नभएका बन्दीहरुलाई त्यस्तो सुविधान दिन मिल्दैन ।

मुद्दा फैसला भएर ५० प्रतिशत कैद भुक्तान गरिसकेका कैदिलाई चालचलन असल भएको आधारमा मात्र चौकीदार, नाईके या भाईनाईके जस्ता पदसहित आउटडोर सुविधा दिन मिल्छ । तर, पुर्पक्षमा बसेर मुद्दा खेपिरहेका गुरुङ्गलाई जेलरले आर्थिक लाभ लिएर त्यस्तो सुविधा दिएको केन्द्रिय कारागार कार्यालयका एक कर्मचारीले दावी गरे ।

आउटडोर सुविधा पाएका कैदीलाई जेलको चौघेरा भित्र जतिवेला जहाँ जान पनि खुल्ला हुन्छ भने सामान किन्ने बहानामा सुरक्षा गार्ड लिएर जेल बाहिर निस्कन पाउँछन् ।

रानीवारी हत्याकाण्ड जस्तो जघन्य अपराधमा संलग्न गुरुङ्गलाई किन नियमविपरीत आउटडोर सुविधा दिनुभएको भन्ने रातोपाटीको जिज्ञासामा जेलर बेद बहादुर खरेलले भने, ‘कसलाई रे ?, बुझेर खबर गरौंला नि !’

एक सेकेन्डअघि बुझेर खबर गरौंला भन्दै पन्छिन खोजेका खरेलले अर्को सेकेन्डमा उत्तर दिए, ‘मनराज गुरुङ्गलाई आउटडोर सुविधा दिएको छैन ।’

भद्र बन्दिगृहभित्र अहिले मनराजले २४ सै घण्टा टेलिफोन सुविधा पाउँछन्, भेटघाटमा कुनै बन्देज छैन ।

विगतमा पनि गुण्डा नाईके र पैसावालहरुले कारागारबाट यस्तो सुविधा लिने गरेको ईतिहास छ ।

प्रतिक्रिया दिनुहोस्
सम्बन्धित वर्गका समाचारहरू

अब सामाजिक सुरक्षाकोषबाट होमलोन लिन पाइने

भाद्र २, काठमाडौं । श्रम, रोजगार तथा सामाजिक सुरक्षामन्त्री शेरबहादुर कुँवरले सामाजिक सुरक्षा कोषका योगदानकर्ता

सामाजिक सुरक्षा कोषद्वारा ४ प्रकारको सापटी सेवा दिन शुरु

काठमाडौँ, १ भदौ । सामाजिक सुरक्षा कोषअन्तर्गत योगदानमा आधारित सामाजिक सुरक्षा योजनामा योगदान गर्ने श्रमिकले कोषबाट

क.समिरको नेतृत्वमा नेकपा (मालेमा केन्द्र)पुनर्गठन

पिपुपल नेपाल संवाददाता,३१ साउन हेटौंडा। नेपाल कम्युनिस्ट पार्टी (मालेमा केन्द्र) पुनर्गठन भएको छ। हेटौंडामा सप्पन्न

राष्ट्रिय युवा संघको आयोजनामा गाईजात्रा (घिन्टाङ-घिसि)हुने

पिपुल नेपाल संवाददाता,३१ साउन भक्तपुर। राष्ट्रिय युवा संघ नेपाल भक्तपुरको आयोजनामा गाईजात्रा (घिन्टाङ-घिसि)कार्यक्रम हुने भएको

माओवादी केन्द्रीय सदस्य तथा पूर्व राज्यमन्त्री राम सिंह यादव सहित ५०० नेताकार्यकर्ता एमाले प्रवेश

   साउन ३१, काठमाडौं । नेकपा माओवादी केन्द्रका केन्द्रीय सदस्य तथा पूर्व राज्यमन्त्री राम सिंह