चितवन मेडिकल कलेजमा तोडफोड

१८ जेठ , चितवन । चितवन मेडिकल कलेजको आकस्मिक उपचार कक्षमा तोडफोड भएको छ । अस्पतालमा भर्ना भएका विरामीको उपचारको क्रममा मृत्यु भएपछि आफन्तले आकस्मिक उपचार कक्षमा तोडफोड गरेका हुन ।

  दुर्घटना परेर उपचारका लागि गत शुक्रवार अस्पताल पु¥याएका १८ वर्षका रोहन लामाको उपचारका क्रममा मृत्यु भएको अस्पतालले जनाएको छ । बिरामीका आफन्तले अस्पतालको लापरबाहीका कारण मृत्यु भएको भन्दै तोडफोड गरेका हुन ।

केही दिनअघिसम्म बोलचाल गर्ने विरामीको आकस्मिक कक्षमा दक्ष चिकित्सक नहुँदा मृत्यु भएको मृतकका आफन्तको आरोप छ । तोडफोडका क्रममा एक जना घाइते भएका छन् । उनी शिशा फुटाउँदै गर्दा घाइते भएका हुन् ।

तोडफोड गर्ने ५ जनालाई प्रहरीले पक्राउ गरेको छ । आकस्मिक उपचार कक्ष जस्तो संवेदनशील क्षेत्रमा बिरामीको आफन्तको भीड जान थालेपछि अस्पताल प्रशासनले प्रहरीको सहयोग लिएको अस्पतालका निर्देशक अरुण कोइरालाले जानकारी दिए ।

 

photo

NOC1-250x300