ओली : नेपाली भाषाको बिम्ब प्रयोग गर्दा ‘उखाने टुक्के’ भएँ

IMG_5768-300x205२१ असार , काठमाडौं– एमाले अध्यक्ष केपी शर्मा ओलीले पढेलेखेकाहरुमै नेपाली भाषाप्रतिको अज्ञानता बढी रहेको बताएका छन् । काठमाडौंमा आज आयोजित छिन्नलता गीती पुरस्कार अर्पण समारोहमा बोल्दै पूर्वप्रधानमन्त्री एमाले अध्यक्ष ओलीको पढे लेखेका बिद्वानहरु नै नेपाली भाषाप्रति बितृष्णा पैदा गर्ने काममा लागेको तथ्य राखे ।

‘नेपाली भाषा यति संमृद्ध छ कि, कसैले पनि हाम्रो भाषालाई टक्कर दिन सक्दैन, तर मैले भाषाको संमृद्धिको कुरा गर्छु, मैले बिम्बहरुको प्रयोग गर्छु तर समाजका पढेलेखेकाहरु नै बिम्बको कुरा गर्दा ‘उखान टुक्का’ भन्छन । तर त्यो उखान टुक्का होइन, नेपाली भाषाका बिम्बहरु हुन,’ ओलीले भने ।

 उनले नेपाली भाषा र संस्कृतिप्रतिको मोह बढाउन सवै नेपालीमा अपिल समेत गरे । ‘म सवै नेपाली दाजुभाई दिदी बिहनीसँग नम्र निवेदन गर्न चाहन्छु कि हामीले आफूलाई चिन्नु पर्दछ । दुनियाँ जव अन्धकारमा थियो, हाम्रा पुर्खाहरु बेदको रचना गर्दै थिए । हाम्रो पुर्खाले काम गरेको बेला आजका साहित्यका बादशाहहरु जंगलमा शिकार खोज्दै हिड्दै थिए होला,’ ओलीले भने , ‘जतिबेला लिपी बनेको थिएन, त्यत्ति बेला पनि लयवद्ध ढंगले नबिर्सने गरी नेपाली भाषाको लिपी थिए, हस्ताक्षरहरु भएका थिए ।’

उनले नेपालीले आफ्नो इतिहासप्रति गर्व गर्नुपर्ने आवश्यकता समेत औल्याए । ‘हामी आफ्नो इतिहास सम्झनु पर्छ । हामी संमृद्ध इतिहास भएको देशका नागरिक हौं । हाम्रो, कला संस्कृति कसैसँग तुलना हुनसक्दैन,’ ओलीको भनाई थियो ।

 

photo

NOC1-250x300