उत्तर कोरियाले जापानमाथि एक्कासी गर्यो मिसाइल आक्रमण

160310014552_north_korea_missile_launch_624x351_afpphotokcnaviakns_nocredit

टोकियो । उत्तर कोरियाले आज बिहान फेरी अर्को एउटा शक्तिशाली ब्यालेस्टिक क्षेप्यास्त्र परीक्षण गरेको छ । उत्तर कोरियाली भूमिबाट परीक्षण प्रहार गरिएको उक्त क्षेप्यास्त्र जापानी समुद्रमा अवतरण भएको दक्षिण कोरियाली, जापानी तथा अमेरिकी सेना श्रोतले जनााएका छन् ।

चार दिन अघिमात्र नवनिर्वाचित दक्षिण कोरियाली राष्ट्रपति मून जाए इनलाई प्रत्यक्ष चुनौती दिने मनसायले उत्तर कोरियाले उक्त परीक्षण प्रहार गरेको अडकल गरिएको छ ।

 अपितु उक्त क्षेप्यास्त्रले आकाशमा लिएको उचाइ, गति, तेज र अन्य प्राबिधिक गतिबिधि बिचार गर्दा अति लामो दूरीसम्म मार हान्नसक्ने अन्तरमहादेशीय प्रकृतिको (इन्टर कन्टिनेन्टल ब्यालेस्टिक मिसाइल) भने नभएको एकजना प्रशान्त महासागरीय अमेरिकी नौसैनिक अधिकारीले अड्कल काटेका छन् ।

यता, उक्त क्षेप्यास्त्र उत्तर कोरियाको उत्तरी प्योङ्याङ्ग प्रान्तको पश्चिम सामुन्द्रिक तटस्थित कुसोङ्ग परीक्षणस्थलबाट आकाशमाथि करिब दुई हजार किलोमिटरको उचाईसम्म पुगी लगभग आधा घण्टा उडेर आठसय किलोमिटरको दूरी पार गरी जापानी समुद्रमा खसेको तथ्य जापानको रक्षा मन्त्रालयको श्रोत उल्लेख गर्दै जापानी मन्त्रीमण्डलका मुख्य सचिब योशिहिदे सुगाले जानकारी दिएका छन् ।

अहिले सो क्षेप्यास्त्र पहिले जस्तो जापानको सामुन्द्रिक इलाकामा रहेको निजी आर्थिक बिकास क्षेत्र (एक्सक्लुजिभ इकोनोमिक जोन) मा नखसे ता पनि यस जबर्जस्ती क्षेप्यास्त्र परीक्षण कार्य जापानलाई कुनै पनि हालतमा स्वीकार्य नभएको र उपयुक्त अवसरमा यसको जवाफ दिइने जापानी प्रधानमन्त्री शिन्जो आबेले पत्रकारहरुलाई बताउनु भएको छ ।
उत्तर कोरियाले बारम्बार अनगिन्ती मध्यम तथा छोटो दूरीसम्म मार हान्न सक्ने शक्ति
शाली क्षेप्यास्त्र (एसआरबिएम) हरु परीक्षण गरिसकेको छ । साथै, अमेरिकी मूलभूमिसम्म प्रहार गर्न सक्ने, टुप्पोमा अत्यन्त शक्तिशाली आणविक बम जडान गरिएको अन्तरमहादेशीय क्षेप्यास्त्र (आइसिबिएम) को उत्पादन, परीक्षण र यस्तो प्रबिधिमा बिशिष्ट कौशल हासील गर्ने स्थायी धुन चढेको छ उत्तर कोरियालाई ।

पूर्ण प्रजातन्त्रबादी तथा उदारबादी दलका नवनिर्वाचित नरमपन्थी राष्ट्रपति मून जाए इनको बिजयपश्चात् उत्तर कोरियाले पहिलो पटक क्षेप्याश्त्र परीक्षण गरेको हो । राष्ट्रपति मूनले बिजयपश्चात् आफू उत्तरसँग सुमधुर दौंत्य सम्बन्ध कायम गर्न प्राथमिकता दिन इच्छुक रहेको भनी पहिलो पटक नै सौहाद्र्रपूर्ण सम्बोधन गर्नु हुँदाहुँदै उत्तर कोरियाले अनायासै निहुँ खोजेको बताइएको छ ।
उता, कोरियाली प्रायद्वीप भरी नै नायक हुने सपना बोकेको अमेरिकाको ज्यादती र अतिक्रमणलाई लक्षित गर्दै क्षेप्याश्त्रको सफल परीक्षण गरिएको उत्तर कोरियाको सरकारी मुखपत्र रोदोङ्गले जनाएको छ ।
अमेरिकाले कोरियाली प्रायद्वीप र जापानी समुद्रमा अख्तियार गर्दै आएको आफ्नो नौसैनिक रणनीति त्याग वा यसमा परिवर्तन नगरेसम्म उत्तर कोरियाले थप शक्तिशाली क्षेप्याश्त्र उत्पादन, परीक्षण तथा आणविक हातहतियार भण्डारण कार्य रोक्न बाध्य नहुने जनाउँछ उत्तर कोरिया ।

अमेरिकी राष्ट्रपति डोनाल्ड ट्रम्पले रुस, चीन, जापान वा अन्यत्रका राष्ट्रहरु गुहारी दिन खोजेको अधिकतम दवाव वा अरु प्रकारका धम्कीहरुले उत्तर कोरिया नतर्सने बताउँदै शक्तिशाली र अति तीब्र गतिका आणविक क्षेप्याश्त्र उत्पादन, परीक्षण तथा भण्डारण गर्ने आफ्नो अभियानलाई सदैव उच्च गतिमा निरन्तरता दिई रहने रोदोङ्ग श्रोतलाई उद्धृत गर्दै केन्द्रिय कोरियाली समाचार समिति (कोरियन सेन्ट्रल न्यूज एजेन्सी – केसिएनए) ले जनाएको छ ।

 

प्रतिक्रिया दिनुहोस्
सम्बन्धित वर्गका समाचारहरू

तरुण विभागका केन्द्रीय सदस्य सहित दर्जनौं युवाहरू एमाले प्रवेश

१० असोज ,भक्तपुर । नेपाली काङ्ग्रेसको तरुण विभागको केन्द्रीय सदस्य अरुण सापकोटा र नेकपा एकीकृत

सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं । सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला

निलम्बनपछी पनि चोलेन्द्र शमशेरलाई नजरबन्दमा राख्नु गलत,शेखर कोइराला

९भदौ,बिराटनगर । नेपाली कांग्रेसका नेता शेखर काेइरालाले निलम्बित प्रधानन्यायाधीश चाेलेन्द्र शमशेर जबरालाई सरकारले निलम्बन पछि

सवारी जाम न्यूनिकरण गर्न न्यूरोडमा चार पांग्रे सवारी निषेध

८असोज,काठमाडौं । सवारी जाम न्यूनिकरण गर्न काठमाडौं महानगरपालिकाले न्यूरोड क्षेत्रमा चार पांग्रे सवारीसाधन निषेध गर्ने

बाबुराम भट्टराई संगको सहकार्य पछिसम्म : प्रचण्ड

काठमाडौँ, ८ असोज । नेकपा माओवादी केन्द्रका अध्यक्ष प्रचण्डले डा. बाबुराम भट्टराईसँगको हुन गइरहेको सहकार्य

अध्यक्ष ओलीको ध्यान मधेसतीर,आफ्नै सरकारको पालामा किनिएको रेलमा यात्रा

८ असोज,जनकपुरधाम । पुर्व प्रधानमन्त्री एवं नेकपा एमालेका अध्यक्ष केपी शर्मा ओलीले आफ्नो ध्यान मधेस