आगलागीमा परी ४० को मृत्यु

aago-120x120ग्वाटेमाला सिटी, चैत १ – मध्य अमेरिकी राष्ट्र ग्वाटेमालाको एक बालबालिका पुनःस्थापना केन्द्रमा गत बुधबार बिहान भएको भीषण आगलागीमा परी ४० किशोरीको मृत्यु भएपछि त्यहाँका समाज कल्याणमन्त्री कार्लोस रोडास्ले सोमबार राजीनामा दिनुभएको छ ।
उहाँले आफूले घटनालगत्तै राजीनामा नदिएको र दुर्घटनाबाट बाँचेका व्यक्तिलाई उपचारको व्यवस्था र शरणार्थीस्थलको व्यवस्था मिलाएरमात्र राजीनामा गरेको बताउनुभएको छ ।
सो आगलागी बालिका तथा किशोरी बसोबास गर्ने आश्रयस्थलतर्फ भएको थियो । बुधबार भएको यस आगलागीमा परी तत्काल १९ किशोरीको मृत्यु भएको थियो ।
यस पुनःस्थापना केन्द्र आगलागीमा ज्यान गुमाउने सबै १४ देखि १७ वर्षका किशोरी भएका अधिकारीले जानकारी दिएका छन् ।

सो पुनःस्थापना केन्द्र राजधानी ग्वाटेमाला सिटीदेखि टाढा एक ग्रामीण इलाकामा अवस्थित छ । अनाथ वा दुःख र पीडामा परेका, समाजिक दुरूपयोग, शोषण वा दुव्र्यसनका सिकार भएका, जोखिममा परेका, घरपरिवारबाट त्यागिएका, बाल सुधार केन्द्र (कारावास) को सजाय भोगेर छुटेका तर जाने ठाउँ अन्यत्र कहीँ नपाएर अलपत्र परेका बालबालिका तथा किशोरकिशोरीलाई पालनपोषण गरी आश्रयस्थल उपलब्ध गराउने प्रयोजनले राज्यद्वारा उक्त केन्द्र सञ्चालन भएको थियो ।

भर्जिन ‘अफ द एज्जम्पसन’ सेफ होम नामक उक्त पुनःस्थापना केन्द्रमा अटाइनअटाई, क्षमताभन्दा बढी बालबालिकालाई भर्ना गरिएको थियो ।

बालिकाको खण्ड (सेक्सन) पट्टि गत बुधबार बिहान ९ः०० बजेदेखि सुरु भएको आगलागीले केहीबेरमै भीषण रूप धारण गरी फैलिएकाले धनजनको यति ठूलो नोक्सान भएको थियो ।

उक्त पुनःस्थापना केन्द्रमा अटाइनअटाई बालबालिका कोचिएका कारणले गर्दा त्यहाँ बालदुरूपयोग र यौनजन्य बदमासी हुने गरेकाले विगतमा बारम्बार धेरै सिकायत आउने गरेका ग्वाटेमालाको समाजकल्याण एजेन्सीका प्रमुख कार्लोस रोडासले बताएका थिए ।

 

 

photo

NOC1-250x300