७ नम्बर प्रदेशको स्थायी राजधानी ‘धनगढी–गोदावरी’ तोक्ने तयारी भइरहेको छ ।
राजधानी र नामाकरणबारे सुझाव संकलन तथा प्रतिवेदन तयारीको लागि गठित विशेष समितिलाई धनगढी उपमहानगरपालिका र गोदावरी नगरपालिकालाई जोडेर स्थायी राजधानी बनाउन सुझाव आएको बताइएको छ ।
विशेष समितिका एक सदस्यले नाम नखुलाउने शर्तमा अब छिट्टै राजधानी र नामाकरण विषय टुंगो लाग्ने बताए । प्रतिवेदन तयारीको अन्तिम चरणमा रहेको बताउँदै उनले जनसंख्या, भूगोल, सुरक्षा अवस्था, भौतिक संरचना लगायत पक्षलाई मध्यनजर गरी तोक्ने तयारी अन्तिम चरणमा पुगेको जानकारी दिए ।
उनले भने, ‘सुझाव संकलनको कार्य जारी रहेको छ । अब छिट्टै नै टुंग्याउँछौ । हालसम्म धनगढी र गोदावरी जोडेर राजधानी बनाउने सुझाव बढी नै आएको छ । उसो त पहाडी क्षेत्रको समानुपातिक विकासको लागि पहाडमा राजधानी बनाउनुपर्ने सुझाव सहितको माग पनि जोडदार ढंगले आएको छ ।’
धनगढी उपमहानगरपालिका र गोदावरी नगरपालिकालाई एउटैमा गाँभेर महानगरपालिकाको स्वरुप दिन सकिने हुँदा प्रदेश स्थायी राजधानीको माग आएको सांसदहरूको भनाई छ ।
एकातिर पहाडी जिल्ला डोटीको दिपायलमा पनि राजधानी बनाउनुपर्ने मागसहित विभिन्न संघर्षको कार्यक्रम हुँदै आएको छ । जुन मागमा कैलालीका थारु अगुवाले साथ दिएका छन् । विकासको दृष्टिकोणले पछाडी परेको पहाडी जिल्लाको समानुपातिक विकास र तीब्र बसाइसराइ नियन्त्रणको लागि पनि पहाडी जिल्लामा राजधानी बनाउनुपर्ने उनीहरूको धारणा छ ।
नामाकरणको विषय पनि सँगसँगै टुंग्याउने तयारीमा विशेष समिति लागेको छ । हालसम्म सेतीमहाकाली, सेतीकाली, खप्तड, खप्तड–कञ्चन, खप्तड–घोडाघोडी लगायत नाम राख्न सुझाएको बुझिएको छ ।
प्रदेश सभाबाट साउन १४ गते गठित समितिको हालसम्म २ पटक म्याद थपिएको छ । साउन २१ र साउन २९ गते म्याद थपिएको हो । सभामुख अर्जुन थापाले मंगलवार समितिको म्याद ५ दिनको लागि थपेका हुन् ।
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक