भित्रिन थाले पर्यटक

नेपालगञ्ज, असोज ९ः बुद्ध एयरले नेपालगञ्ज–पोखरा उडान सुरु गरेसँगै बाँके, बर्दियामा पर्यटक भित्रिने क्रम बढेको छ । भारतबाट आउने पर्यटक नेपालगञ्ज हुँदै पोखरा र बर्दिया तथा कर्णालीसम्म घुम्न जाने गरेको स्थानीय पर्यटन व्यवसायीले बताए । नेपालगञ्जबाट पोखरा हवाई यातायातमा जोडिएपछि पोखरा जाने भारतीय र पोखराबाट बर्दिया निकुञ्ज, रारा तथा सुदूरपश्चिम जाने पर्यटक बढ्दै गएको होटल व्यवसायी सङ्घ बाँकेका अध्यक्ष भीम कँडेलले बताए ।

उजले हवाई उडानका कारण नेपालगञ्जमा पर्यटकको चहलपहल बढेको बताउनुभयो । भारतबाट सवारीसाधनको आवागमनमा रोक लगाइएकाले अझै पनि धेरै पर्यटक आउन नसकेको गुनासो गर्दै उक्त रोक हटेपछि ठूलो सङ्ख्यामा भारतीय पर्यटक पोखरा जानका लागि यहाँ पुग्ने बताए ।

पोखरा पुग्न १२ देखि १५ घण्टाको समय लाग्दै आएकामा हवाई उडानका कारण एक घण्टामै पोखरा पुगिने हुँदा पर्यटकको रोजाइमा पोखरा, नेपालगञ्ज र बर्दिया निकुञ्ज परेको पर्यटन प्रवर्द्धन मञ्च बाँकेका अध्यक्ष कृष्णप्रसाद श्रेष्ठले बताए । उनले नेपालगञ्जलाई पर्यटकको प्रवेशद्वार बनाउनका लागि यो हवाई उडान कोसेढुङ्गा साबित भएको बताए ।

यस क्षेत्रको पर्यटन प्रवर्द्धनमा सक्रिय नाटा बाँकेका अध्यक्ष श्रीराम सिग्देलले बढीभन्दा बढी पर्यटक तान्न उडानलाई दिगो बनाउन सबैको सहयोग आवश्यक रहेको बताए । दैनिक उडानले चारैतिर उत्साह थपिएको उनको भनाइ छ ।

साउन १८ देखि बुद्ध एयरले सुरु गरेको नेपालगञ्ज–पोखरा हवाई उडान हाल दैनिक भइरहेको छ । उडानबाट आउनेजाने पर्यटक एवं अन्य यात्रुको सङ्ख्या बढेसँगै बुद्ध एयर पनि उत्साहित बनेको छ । बुद्ध एयरले उडानसंगै टुर प्याकेजसमेत सुरु गरेकाले धेरै पर्यटक आकर्षित भइरहेका छन् ।

पहिलो चरणमा सातामा तीन उडान सुरु गरेको बुद्ध एयरले पर्यटक बढेपछि अहिले दुवैतर्फका लागि दैनिक एक उडान राखेको बुद्ध एयर नेपालगञ्जका प्रबन्धक विनित शाहले बताए ।

नेपालगञ्ज–पोखरा उडानको एकतर्फी भाडा न्यूनतम चार हजार ९३५, मध्यम पाँच हजार ५३५ र अधिकतम पाँच हजार ९३५ गरी तीन किसिमको छ । विशेषगरी भारतीय पर्यटकलाई लक्षित गरी नेपालगञ्ज–पोखरा हवाई उडान सुरु गरिएको हो ।

प्रतिक्रिया दिनुहोस्
सम्बन्धित वर्गका समाचारहरू

महान्यायाधिवक्ताद्वारा उच्च सरकारी वकिल कार्यालयको भवन शिलान्यास

०८२ वैशाख २९ गतेकाठमाडौँ । : महान्यायाधिवक्ता रमेश बडालले उच्च सरकारी वकील कार्यालय, पाटनको भवन शिलान्यास

‘लगानी विविधीकरण कोषको मुख्य एजेन्डा हो’

नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो

यस्ता छन् प्रधानमन्त्रीको सचिवहरूलाई २६ बुँदे निर्देशन

साउन १५,काठमाडौँ। प्रधानमन्त्री केपी शर्मा ओलीले सरकारका सचिवहरूलाई बिमा भुक्तानी, भ्याट रकम फिर्ता, किसानको दुध र

नागरिक पत्रकारले सामाजिक सञ्जालको सही उपयोग गर्नुपर्ने

ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका

श्रमिक बिदेसिएको अनुपातमा विप्रेषण कम

पुस ४,काठमाडौँ । पछिल्ला वर्षमा वैदेशिक रोजगारीमा जानेको सङ्ख्या जुन अनुपातमा बढेको छ त्यो अनुपातमा

भूकम्पपीडितलाई १० हजार थान जुत्ताचप्पल सहयोग

 कार्तिक २८,काठमाडौं । गोल्डस्टार जुत्ता कम्पनीले जाजरकोटका भूकम्पपीडितलाई १० हजार थान जुत्ता तथा चप्पल सहयोग