राप्रपाका अध्यक्ष कमल थापाले संविधान र संसदीय प्रजातन्त्रको आवरणमा वर्तमान सरकारले मुलुकमा सर्वसत्तावाद लाद्न खोजेको आरोप लगाएका छन् ।
राष्ट्रिय प्रजातान्त्रिक युवा संगठनद्वारा आज हेटौंँडामा आयोजित ३ नं प्रदेशस्तरीय युवा प्रशिक्षण शिविरको उद्घाटन गर्दै उनले करीब दुई तिहाइ बहुमत पाएको दम्भमा सरकार क्रमिक रुपमा अधिनायकवादतर्फ उन्मुख रहेको दोषारोपण गरे ।
उनले आगामी फागुनभित्र पार्टीले हिन्दू राज्य पुनःस्थापनाका लागि आन्दोलनको तयारी थालेको जानकारी पनि दिए ।
अध्यक्ष थापाले फौजदारी मुद्दा लागेका प्रतिनिधिसभाका सदस्यलाई पदबाट निलम्बन नगर्ने भनी संसदको नियमावली आज पारित गरिँदा देशमा राजनीतिक अपराधीकरण बढ्न जाने विचार व्यक्त गरे ।
राप्रपाका उपाध्यक्ष बुद्धिमान तामाङले मुलुकमा बाह्य शक्तिको हस्तक्षेप निस्तेज पार्न सबै प्रजातान्त्रिक शक्ति एक जुट हुनुपर्ने बताए । यही जेठ २६ गतेसम्म चल्ने शिविरमा ३ नं प्रदेशअन्तर्गत १३ जिल्लाका युवा संगठनका अध्यक्ष, सचिव, क्षेत्रीय प्रतिनिधि र जिल्ला सचिव गरी २९५ प्रतिनिधिको सहभागिता रहेको राप्रपाका सहायक महामन्त्री राजराम बतौलाले जानकारी दिए ।
३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै
वैशाख ३०, काठमाडौं। नेकपा (एमाले)ले मधेश सरकारलाई दिएको समर्थन फिर्ता लिएको छ। आइतबार मधेश प्रदेशको
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
