नेकपा एमाले र माओवादी केन्द्र विघटन भएर नयाँ पार्टी नेपाल कम्युनिष्ट पार्टी गठन गरिएको छ । पुष्पकमल दाहाल प्रचण्ड नेतृत्वको पार्टी नेकपा माओवादीबाट एकीकृत माओवादी हुँदै माओवादी केन्द्रमा आइपुगेर विघटन भयो । तत्कालीन नेकपा माओवादीले मुलुकमा १० वर्ष सशस्त्र युद्ध गरेको थियो । जसलाई उसले जनयुद्ध भन्दै आएको छ ।
तर, सो युद्ध आवश्यक नरहेको तर्क गर्ने तत्कालीन एमालेका अध्यक्ष केपी शर्मा ओलीले ‘जनयुद्ध’ शब्दप्रति आपत्ति जनाउँथे र माओवादीविरुद्ध कुर्लिन्थे । सार्वजनिक कार्यक्रममा माओवादीविरुद्ध खरो रुपमा उत्रिएर ओलीले माओवादी युद्धको आवश्यकता र औचित्यमाथि प्रश्न उठाउँदै माओवादीका लडाकुलाई गुरिल्ला शब्द प्रयोग गर्थे ।
जनतासामू दिएका यी अभिव्यक्तिले अहिले ओली अप्ठारोमा परेका छन् । पार्टी एकीकरणपछि अब तत्कालीन माओवादीले मनाउँदै आएका विभिन्न दिवस देखि माओवादी युद्धलाई स्वीकार्नुपर्ने बाध्यतामा ओली परेका छन् । तर, जनतासामू दिइएको पहिलाका अभिव्यक्ति मात्र राजनीतिक स्वार्थका लागि थियो भने अहिले दिइने अभिव्यक्ति र जनतासामू गरिने वाचा कसरी विश्वास योग्य हुन्छन् ? यसर्थ ओली अप्ठारोमा परेका हुन् ।
तत्कालीन माओवादीले मनाउने गरेको ‘वेपत्ता योद्धा दिवस’ आज परेको छ । यो दिवस ओली र प्रचण्डले संयुक्त रुपमा नेतृत्व गरेको नेपाल कम्युनिस्ट पार्टी (नेकपा)ले मनाउँदै छ । प्रचण्ड सहभागी हुनेछन् भने ओलीलाई निम्तो दिइएको छ, तर उनी सहभागी हुने नहुने एकीन भइसकेको छैन ।
पेरिसडाँडामा हुने सो कार्यक्रममा ओलीले समय मिलाएर आउने कोसिस गर्ने बताएका छन् । तर, उनी नगएपनि तत्कालीन एमालेका वरिष्ठ नेताहरु सहभागी हुने बताइएको छ ।
२०५६ जेठ ७ गते नेकपा माओवादीका तत्कालीन केन्द्रीय सदस्य दण्डपाणी न्यौपाने, मिलन नेपाली, नविन गौतम र कमला शर्मालाई काठमाडौंको टेबहालबाट सुरक्षाकर्मीले नियन्त्रणमा लिएर वेपत्ता पारेको दिनलाई स्मरण गर्दै तत्कालीन माओवादी तथा नेकपाले वेपत्ता योद्धा दिवस मनाउन लागेको हो ।
मुलुकमा १० वर्ष भएको माओवादी युद्धमा एक हजार बढी माओवादीहरु वेपत्ता भएका छन् । सरकारले अहिलसम्म उनीहरुको अवस्था सार्वजनिक गर्न सकेको छैन । यसैगरी उक्त युद्धमा करिब १८ हजार मानिसको मृत्यु भएको थियो ।
३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै
वैशाख ३०, काठमाडौं। नेकपा (एमाले)ले मधेश सरकारलाई दिएको समर्थन फिर्ता लिएको छ। आइतबार मधेश प्रदेशको
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता