माओवादी केन्द्रका अध्यक्ष पुष्पकमल दाहाल र एमाले अध्यक्ष केपी शर्मा ओलीबीच बुधबार बिहान प्रधानमन्त्रीको निजी निवास बालुवाटारमा साढे २ घण्टा लामो एकान्त वार्ता भएको छ ।
वार्तामा पार्टी एकता, बजेट छलफल, नीति तथा कार्यक्रम र प्रधानमन्त्री केपी शर्मा ओलीले सोमबार गरेको ट्वीटमा केन्द्रित रहेको उनीहरूको सचिवालय स्रोतले जनाएको छ ।
वार्ताको सुरुमै माओवादी केन्द्रका अध्यक्ष प्रचण्डले ओलीले गरेको ट्वीट र त्यसले उत्पन्न गरेको राजनीतिक तरंगका बारेमा सोधेको सचिवालय स्रोतले जानकारी दियो ।
“वार्ताको सुरुमै प्रचण्डले प्रधानमन्त्री ओलीले सोमबार गरेको ट्वीटको विषयमा सोध्नुभएको थियो, “प्रचण्डको भनाइ उद्धृत गर्दै माओवादी स्रोतले भन्यो, “किन यस्तो ट्वीट गरेको ? तपाईंको ट्वीटले दुवै पार्टीका नेता कार्यकर्ताले पार्टी एकतालाई शंकाको दृष्टीले हेर्नुभो । भन्ने प्रश्न प्रचण्डले ओलीलाई गर्नुभएको थियो । जवाफमा प्रधानमन्त्री ओलीले राष्ट्रियता अखण्डता, एकताको बारेमा भन्न खोजेको थिएँ, साथीहरुले पोष्ट गरिदिनुभएछ । मैले तपाईंलाई टार्गेट गर्न खोजेको होइन भन्नुभएको थियो ।”
सोमबार प्रधानमन्त्री ओलीले माओवादी अध्यक्ष प्रचण्डलाई संकेत गर्दै समीकरण बदल्न बानी परेको आरोप लगाएका थिए । ओलीले ट्वीटरमा लेखेका थिए, “हामी विकास र समृद्धिको एजेण्डामा हिँडिरहेका छौं ।आफ्नो दुनो सोझ्याउन समीकरण फेरबदलमा मात्रै बानी परेकालाई यसप्रति अरुची हुन सक्छ। लोकतन्त्रमा जनता बलिया हुन्छन् र त्यसको प्रतिबिम्ब सरकारका काममा देखा पर्छ, किनकी सरकारले जनताबाटै कार्यादेश लिएको हुन्छ । सार्वभौमसत्ता जनतामा थियो र छ ।” प्रचण्डका प्रेस सल्लाहाकार विष्णु सापकोटाले आजको वार्ताले पार्टी एकतामा सहजता थपिएको बताए ।
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक