काठमाडौँ, २५ वैशाख । तेस्रोपटक नेपाल भ्रमणमा आउने तयारीमा रहनुभएका भारतीय प्रधानमन्त्री नरेन्द्र मोदी यसपटक पोखरामा बास बस्ने योजनामा हुनुहुन्थ्यो। तर, नेपाली पक्षको जोडबलका कारण उहाँको त्यो रहर अपुरो रहने भएको छ।
छिनछिनमा परिवर्तन भइरहने मौसम र पोखराको सुरक्षा प्रबन्धबारे नेपालले अडान लिएपछि पोखरामा बास बस्ने मोदीको योजना हेरफेर भएको हो। ‘भारतीय पक्षले बास बस्नका लागि पोखरा प्रस्ताव गरेको थियो, सायद मोदीकै इच्छाअनुसार त्यस्तो प्रस्ताव आएको हुनुपर्छ।’ –परराष्ट्र मन्त्रालयका एक अधिकारीले नेपाल समाचारपत्रसँग भने।
नेपालले व्यावहारिक पक्षबारे भारतीय पक्षलाई प्रस्ट्याएपछि मोदी काठमाडौंको बौद्धस्थित हायात होटलमा बास बस्दै हुनुहुन्छ। आगामी शुक्रबार भारतको विहार हुँदै सोझै जनकपुर पुग्ने मोदी त्यहाँको धार्मिक र अन्य कार्यक्रममा सहभागी भएर काठमाडौं आउने र फेरि साँझ पोखरा पुग्ने भारतले प्रस्ताव गरेको थियो।
भारतीय प्रधानमन्त्री मोदी पोखरा बस्ने योजनाबारे जिज्ञाशा राख्दा परराष्ट्र मन्त्रालयका प्रवक्ता भरतराज पौडेलले त्यसबारे आफूले कुनै जानकारी नपाएको बताउनुभयो। ‘मैले त्यस्तो खबर सुनेको छैन, अनौपचारिक गतिविधिबारे म ‘अपडेट’ हुन पाएको छैन।’ –उहाँले भन्नुभयो। मोदी आगामी शुक्रबार भारतको विहारस्थित पटना विमानस्थल हुँदै जनकपुर पुग्नुहुनेछ। पटना विमानस्थलसम्म भारतीय एयर फोर्सको विशेष विमान र त्यहाँबाट भारतीय सैन्य हेलिकोप्टरबाट उहाँ सोझै जनकपुर पुग्ने कार्यतालिका तय भएको छ।
जानकी मन्दिरमा विशेष पूजाआजा गर्ने मोदी त्यहाँको बाह्रबिघामा हुने नागरिक अभिनन्दन र रामायण सर्किटसम्बन्धी कार्यक्रममा सहभागी रहनुहुनेछ। जनकपुरको कार्यक्रमपश्चात् अपरा≈न काठमाडौं फर्किएपछि उहाँ शिष्टाचार भेटघाटमा सहभागी रहने बताइएको छ। यसपटक नेपालली पक्षले मोदीलाई लुम्बिनी भ्रमण गराउन चाहे पनि भारतीय पक्षले कुनै चासो नदेखाउँदा मोदी यसपटक पनि नपुग्ने निधो भएको हो। यसअघिको नेपाल भ्रमणका क्रममा मोदीले जनकपुर, लुम्बिनी र मुक्तिनाथ भ्रमण गर्ने इच्छा जनाउनुभएको थियो।
दुई दिने नेपाल भ्रमणमा रहनुहुने भारतीय प्रधानमन्त्री मोदीको सुरक्षार्थ चारवटै सुरक्षा निकायका ११ हजारभन्दा बढी सुरक्षाकर्मी खटिने भएका छन्। मोदीको भ्रमणको सुरक्षालाई लिएर भारतीय सुरक्षा निकायको विशेष टोली भ्रमण स्थलको रेकीमा नियमित जुटिरहेको छ।उहाँले भ्रमण गर्ने रुट र आसपासका क्षेत्रमा सरसफाइ कार्यलाई पनि तीव्रता दिइएको छ। नेपाल समाचारपत्रमा खबर छ ।
२०८१, माघ ९ । विश्व स्वास्थ्य सङ्गठन (डब्लुएचओ) ले विश्वव्यापी स्वास्थ्य एजेन्सीबाट बाहिरिने संयुक्त राज्य अमेरिकाको
काठमाडौं । धादिङको थाँक्रे गाउँपालिका ७ स्थित सातकिल्लामा सर्वोच्च अदालतको अन्तरिम आदेशलाई अवहेलना हुने गरि
पुस १५, काठमाडौँ । सहकारी संस्थाको बचत रकम हिनामिनामा दण्डात्मक कारबाहीलाई तीव्रता दिइरहेका बेला सरकारले सहकारीसम्बन्धी
पेरिस, पुस १२ गते । सानो र गरिब मायोटदेखि तेल–धनी महाशक्ति साउदी अरबसम्म र समृद्ध युरोपेली
मङ्सिर २६, काठमाडौं। प्रधानमन्त्री केपी शर्मा ओलीसमक्ष राष्ट्रिय सूचना आयोगका नवनियुक्त प्रमुख आयुक्त डा. सुरेशप्रसाद आचार्यले
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
