२४ जेठ , काठमाडौं । प्रधानमन्त्री शेरबहादुर देउवाले बुधबार दिउँसो सपथ ग्रहण गर्नुभन्दा केही घण्टा अगाडि एउटा चर्चा चल्यो- रामचन्द्र पौडेल समूह सपथ ग्रहणमा उपस्थित नहुने ।
उत्साहका साथ सत्ताको बागडोर सम्हाल्न लागेका देउवाका लागि यो सुखद समाचार थिएन । लगत्तै देउवाले रामचन्द्र पौडेललाई फोन गरेर सपथ ग्रहणमा आइदिन अनुरोध नै गर्नुपर्यो ।
मंगलबार भारी मतका साथ व्यवस्थापिका संसदबाट प्रधानमन्त्री बनेका देउवाले बुधबार शीतलनिवासमा पद तथा गोपनीयताको सपथग्रहण गरेका छन् र लगत्तै सिंदरबार पुगेर कार्यभार सम्हालेका छन् । देउवाले पहिलो चरणमा बुधबार ३ उपप्रधानमन्त्रीसहित ७ जनालाई मन्त्रिमण्डलमा ल्याएका छन् ।
देउवाको मन्त्रिमण्डलमा माओवादी र फोरम लोकतान्त्रिकलाई छाडेर भन्नुपर्दा कांग्रेस पार्टीबाट ल्याइएकाहरुमा देउवाले राम्रा सक्षम मानिसलाई भन्दा पनि आफ्नो गुटलाई प्राथमिकता दिएको देखिएको छ ।
जस्तो कि रामचन्द्र पौडेल पक्षमा रहेका महेश आचार्यलाई देउवाले अर्थमन्त्री बनाउने धेरैको अपेक्षा थियो । बिराटनगरका आचार्य प्रत्यक्ष निर्वाचित सांसद हुनुका साथै अर्थमन्त्रालय चलाएको अनुभव बोकेका नेता हुन् । तर, आचार्य देउवाको रोजाइमा परेनन् ।
आफ्नै गुटबाट अर्थमन्त्री
देउवाले भोजपुरमा कहिल्यै चुनाव जित्न नसकेका समानुपातिक सांसद ज्ञानेन्द्रबहादुर कार्कीलाई अर्थमन्त्री बनाएका छन् ।
कार्की देउवाको रोजाइमा पर्नुका पछाडि दुईवटा कारण रहेको कांग्रेस नेताहरु बताउँछन्- एउटा, कार्की पार्टीभित्र देउवा गुटका विश्वासपात्र हुन् । दोस्रो- राणा परिवारका ज्वाइँ हुनुको नाताले उनी देउवाका नातेदारसमेत हुन् । र, उनी शीतलनिवासका समेत नातेदार हुन् ।
महेश आचार्यसँग अर्थ मन्त्रालय चलाउने अनुभव भए पनि उनी कोइराला परिवारसँग नजिक नेता हुन् । कार्कीको जस्तो दरबारसम्म आचार्यको नाता र पहुँच छैन ।
‘निबन्धकार’ लाई शिक्षाको साँचो
देउवाको रोजाइमा परेका अर्का नेता हुन्- उपप्रधान मन्त्री एवं शिक्षामन्त्री गोपालमान श्रेष्ठ । स्याङ्जाका श्रेष्ठ नेपाली कांग्रेसका पुराना नेता हुन् तर परफरमेन्सको हिसाबले उनी त्यति सक्षम नेता मानिँदैन । देउवाले मन्त्री बनाएर श्रेष्ठलाई त पक्कै न्याय भएको छ, तर पार्टीलाई न्याय हुने नहुने आगामी दिनले बताउला ।
उपप्रधान तथा शिक्षामन्त्री बनेका गोपालमान श्रेष्ठ प्रधानमन्त्री शेरबहादुर देउवाका विश्वास पात्र हुन् । उनलाई आवश्यकताले भन्दा पनि नेता व्यवस्थापन गर्नुपर्ने बाध्यताले उपप्रधानमन्त्री बनाइएको कांग्रेसकै नेताहरु बताउँछन् ।
श्रेष्ठ पार्टी उपसभापतिका दाबेदार थिए । तर, देउवाले विमलेन्द्र निधिलाई उपसभापति बनाउने वचन दिइसकेकाले आफ्नो सरकारमा उपप्रधामन्त्री बनाएर श्रेष्ठको चित्त बुझाएका छन् ।
श्रेष्ठलाई रक्षामन्त्री बनाउने देउवाको तयारी थियो । तर, अन्तिम क्षणमा आएर शिक्षा मन्त्रालयको जिम्मा दिइएको छ ।
रोचक त के छ भने स्याङ्जामा जन्मिएका श्रेष्ठले २०२० सालमा नै ‘पूर्वपश्चिम राजमार्ग, नेपालको भाग्यरेखा’ निवन्ध लेखेर पदक पाएका थिए ।
नवनियुक्ति शिक्षामन्त्रीले ‘चुरोटको ठूटो’, ‘स्यानो माछा ठूलो माछाले खान्छ’ निवन्धका साथै तरुण साप्ताहिकमा आफ्नै आत्मकथा समेत प्रकाशित गरेका छन् ।
हाल काठमाडौं कुलेश्वरमा बस्ने उनी ९ जना सन्तानका पिता हुन् । उनका तीन छोरा र ६ छोरी छन् ।
फर्मूल्लाहः गुट परिवर्तनलाई पुरस्कार
श्रममन्त्री बनेका बाराका फर्मूल्ला मन्सुर लामो समय कांग्रेसको कोइराला परिवार निकट रहे । तर, कांग्रेसको १३ औं महाधिवेशनको पूर्वसध्यामा उनले एकाएक गुट परिवर्तन गरे ।
गुट परिवर्तन गरेपछि त्यसबेला नै देउवाले मन्सुरलाई केन्द्रीय सदस्य र मन्त्री बनाउने आश्वासन दिएका थिए । देउवा गुटबाटै उनी कांग्रेस केन्द्रीय सदस्य बने । अब देउवा सरकारमा मन्त्री बनेका छन् ।
बारा ३ बाट प्रत्यक्ष निर्वाचित मन्सुर कांग्रेसको मधेस राजनीतिमा प्रभाव राख्ने नेतामा पर्छन् । मुस्लिम समुदायका प्रभावशाली नेता भए पनि मन्सुरको ‘हाइट’ मधेसमा अलि कमजोर रहेको कांग्रेस नेताहरु बताउँछन् ।
कार्तिक २६, काठमाडौं । नेपालको सबैभन्दा ठुलो इन्टरनेट सेवा प्रदायक वर्ल्डलिंक कम्युनिकेशनले हालै एक महत्वपूर्ण सामाजिक
पोषणविद् डा. अरुणा उप्रेती । तस्बिर : रासस कात्तिक १४,काठमाडौँ। नेपालीले सांस्कृतिक पर्व तिहार ढोकामा
कात्तिक ११, काठमाडौँ। प्रधानमन्त्री केपी शर्मा ओलीले सत्ता सौदाबाजीका लागि राष्ट्रियताका हितका प्रश्नमा कुनै सम्झौता नगरिने
नागरिक लगानी कोषका कार्यकारी निर्देशक पर्वतकुमार कार्की । काठमाडौँ, असोज ९ गते । वित्तीय क्षेत्रमा लामो
काठमाडौँ, असोज ९ गते । साल्ट ट्रेडिङ कर्पोरेशन लिमिटेडको सहकार्यमा जुत्ता उत्पादक सङ्घ नेपालले उपत्यकाका
आश्विन ९ ,काठमाडौं । सर्वोच्च अदालतले विवादित पृष्ठभूमि भएका मेडिकल व्यवसायी दुर्गा प्रसाईंलाई थुनामुक्त गर्न
