१६ जेठ, झापा । एमालेले झापाको दुई गाउँपालिकाको प्रमुखमा महिलालाई उम्मेदवार बनाउने घोषणा गरेपछि सिर्जना भएको अन्तरिक अन्तरविरोधका कारण उनीहरुलाई पार्टीले पछि हटाउने भएको छ ।
कमल गाउँपालिकाको अध्यक्षका रुपमा घोषणा गरिएकी मेनका काफ्ले र हल्दिबारी गाउँपालिकाको अध्यक्षका उम्मेदवार मञ्जु सिटौलाको उम्मेदवारी फिर्ता गराउने तयारी गरिएको एमाले स्रोतले जनाएको हो ।
काफ्लेले आफूले उम्मेदवार नबन्ने निर्णय गरेको बताइन् । उनी भूमिगत कालदेखि एमालेमा सक्रिय नेतृ हुन् । पहिलो संविधानसभा निर्वाचनमा उनको क्षेत्रभन्दा फरक झापा-२ बाट उम्मेद्वार बनेकी थिइन् । तर, माओवादीका उम्मेदवार गौरीशंकर खड्कासँग पराजत भएकी थिइन् ।
अर्को चुनावमा एमालेले समानुपातिकको सूचीमा राखे पनि उनी त्यसमा अटाउन सकिनन् । हाल उनी अखिल नेपाल महिला संघकी केन्द्रीय सचिव तथा एमाले प्रदेश नम्बर १ की सदस्य छिन् । उनले पुरुषवादी चिन्तन हावी भएका कारणले उम्मेद्वार फिर्ता हुनु परेको प्रतिक्रिया दिएकी छन् ।
उनको स्थानमा उपाध्यक्षका रुपमा उम्मेद्वार घोषणा गरिएका लखनपुर गाविसका पूर्व उपाध्यक्ष बेणु शिवाकोटीले अध्यक्षमा टिकट पाउने स्रोतले जनाएको छ ।
यस्तै, हल्दिबारी गाउँपालिकामा मञ्जु सिटौलालाई पनि पछि हठाउने आन्तरिक तयारी गरिएको स्रोतले जनाएको छ । यसअघि बिर्तामोडस्थित पार्टी हल्दिबारीबाट सयौं कार्यकर्ता आएर उम्मेदवारको विवरण भएको फ्लेक्स पि्रन्ट च्यातेका थिए ।
सिटौलाको स्थानमा मोहन रेग्मीलाई उम्मेद्वार बनाउनु पर्ने मागसहित एमालेले कार्यालयमा तोडफोड भएको थियो ।
यस विषयमा मञ्जुसँग प्रतिक्रिया लिन खोज्दा उनले पार्टीले आफूलाई पछि हटाउन लागेको बारेमा अनविज्ञता जनाइन् । ‘म अहिले पनि भोट माग्न मतदाताको घरमा छु’, उनले भनिन् ।
यस विषयमा थप कुरा बोल्न उनी चाहिनन् ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न