३४ कर्मचारीले त्यागे पीआर

Karmachari-Sketch-768x468१९ चैत, काठमाडौं । विदेशी मुलुकको स्थायी बसोबासको अनुमति पाएका ३४ कर्मचारीले त्यस्तो अनुमति त्याग गरेका छन् ।  निजामती सेवा ऐन संशोधनपछि डीभी, पीआर र ग्रिनकार्ड लिएको घोषणा गरेका ७३ मध्ये ३४ कर्मचारीले स्थायी बसोबासको अनुमति त्याग गरेको जानकारी सामान्य प्रशासन मन्त्रालयमा पेस गरेका छन् ।
निजामती सेवा ऐन २०४९ को चौथो संशोधनले विदेशी मुलुकको स्थायी बसोबासको अनुमति लिएका नागरिकलाई स्थायी बसोबास अनुमति त्याग गर्न १५ दिनको समय दिएको थियो ।  ऐन कार्यान्वयनमा आएको १५ दिनभित्र अनुमति त्याग वा राजीनामाको विकल्पमा निर्णय नलिए सम्बन्धित कर्मचारी बर्खास्त गर्ने व्यवस्था ऐनमा थियो ।मन्त्रालयले संसद्को राज्य व्यवस्था समितिमा पेस गरेको विवरणअनुुसार ऐन जारीपछि डीभी, पीआर तथा ग्रिनकार्ड भएको घोषणा ७३ कर्मचारीले गरेका थिए ।  यसमा निजामति सेवा, सुरक्षा सेवाका समेत कर्मचारी थिए ।

घोषणा गरेकामध्ये डीभी, पीआर तथा ग्रिनकार्ड त्यागिसकेका जानकारी ३४ जनाले मन्त्रालयलाई दिएका छन् ।  त्याग गर्न चाहेको जानकारी ६ कर्मचारीले मन्त्रालयलाई दिएका थिए, तर, त्याग गरिसकेको विवरण भने प्राप्त नभएको जानकारी मन्त्रालयले समितिमा दिएको आजको गोरखापत्रले लेखेको छ ।
ऐन कार्यान्वयनपछि डीभी, पीआर र ग्रिनकार्डका कारण १६ कर्मचारीले राजीनामा दिएको मन्त्रालयको तथ्याङ्क छ ।  स्थायी बसोबासको अनुमतिपत्र भएको घोषणा गरेका तर, त्याग गरेको जानकारी नदिएका थप १६ जना कर्मचारी रहेको मन्त्रालयले समितिमा पेस गरेको विवरणमा छ ।

प्रतिक्रिया दिनुहोस्
सम्बन्धित वर्गका समाचारहरू

पाँच दशमलव ६० अङ्कले बढ्यो नेप्से परिसूचक

काठमाडौँ, असार ११ गते । नेपाल स्टक एक्सचेञ्ज (नेप्से) परिसूचकमा सामान्य अङ्कको वृद्धि देखिएको छ ।

भ्रष्टाचारकाे आराेप लागेका वैकुण्ठ योजना आयोगमा  गड्तौलालाई निमित्त मुख्यसचिव

 आषाढ १०, काठमाडौं । भ्रष्टाचार मुद्दा लागेपछि स्वतः निलम्बनमा परेका मुख्यसचिव वैकुण्ठ अर्याललाई राष्ट्रिय योजना

संसद्का कर्मचारीको माग वार्ताबाट समाधान गर्नुपर्छ : अध्यक्ष ओली

असार ९,काठमाडौं । नेकपा (एमाले) का अध्यक्ष केपी शर्मा ओलीले सङ्घीय संसद् सचिवालयका कर्मचारीको माग

सोह्रौँ योजना कार्यन्वयनमा लगानीका चुनौती

 जेठ १७, काठमाडौँ। सोह्रौँ योजना कार्यान्वयनका लागि लगनी मुख्य चुनौतीको रुपमा देखिएको सरोकारवालाले बताउनुभएको छ । राष्ट्रियसभा,

एमालेलाई राष्ट्रिय शक्ति बनाउन महिला अग्रमोर्चामा छन् : अध्यक्ष ओली

जेठ १६, काठमाडौँ । नेकपा (एमाले) का अध्यक्ष केपी शर्मा ओलीले देवासुर सङ्ग्राममा देवीहरू मैदानमा

क्रिकेटर सन्दीप लामिछानेले पाए सफाइ

 जेठ २, काठमाडौँ। क्रिकेटर सन्दीप लामिछानेले बलात्कार मुद्दामा सफाइ पाउनुभएको छ । उच्च अदालत पाटनले बुधबार