भरतपुर, २३ भदौ । पूर्वप्रधानमन्त्री एवं माअाेवादी केन्द्रका अध्यक्ष प्रचण्डले अागामी निर्वाचनमा अाफू चितवनबाट चुनाव लड्ने बताएका छन् ।प्रेस सेन्टरले भरतपुरमा अायाेजना गरेकाे पत्रकार सम्मेलनमा बाेल्दै अध्यक्ष प्रचण्डले भने, ‘वीरगञ्ज बैठकबाट म चितवनमा चुनाव लड्ने निर्णय भएकाे छ ।’ चितवन देशकाे एउटा विशिष्ट जिल्ला रहेको भन्दै उनले भने, ‘यसकाे राष्ट्रिय राजनीतिमा विशेष भूमिका पनि छ, त्यसैले म चितवनबाट चुनाव लड्दैछु ।’चितवनलाई देशकै उत्कृष्ट शहर बनाउने उद्घोष गर्दै उनले भने, ‘म समग्र देशकाे अनुभव लिएर चितवन अाउँदैछु, समग्र चितवनलाई उत्कृष्ट शहर बनाउन सकिन्छ ।’

‘यसकाे दीर्घकालीन विकासकाे गुरुयाेजना बनाउँदैछु,’ उनले भने, ‘भरतपुरलाई स्मार्ट सिटी मात्रै नभएर उत्कृष्ट शहर बनाउनुपर्छ ।’ उनले चितवनलाई विश्वकै उत्कृष्ट शहर बनाउन चीनियाँहरुसँग पनि कुरा गरेकाे जानकारी दिए ।उनले भने, ‘छिटै यसकाे गुरुयाेजना बन्छ । चितवन देशकै राजनीतिक र अार्थिक गतिविधिकाे केन्द्र हाे, यसलाई देशकै उत्कृष्ट जिल्ला बनाउने सपना छ ।’ उनले नदी नियन्त्रण र व्यवस्थापन, निकुञ्ज व्यवस्थापन, कृषिकाे अाधुनिकिकरण, प्राविधिक शिक्षाकाे गुणात्मक विकास, रिङ राेड, सञ्चार लगायतका क्षेत्रलाई प्राथमिकतामा राखेकाे जानकारी दिए ।