धनगढी – सुदूरपश्चिमका सबै जिल्लामा अहिले सरसफाइको अभियान चलिरहेको छ । उक्त अभियानमा महिनावारी भएका महिला भने लाग्न सकिरहेका छैनन् ।
जिल्लाहरु खुला दिशामुक्त घोषणा हुने क्रम जारी रहेको भएपनि महिनावारी भएका महिलाले भने अझै पनि चर्पाीको प्रयोग नगरिरहेको पाइएको खबर आजको अन्नपूर्ण पोष्टमा छ ।
अछाम जिल्लामा महिनावारी हुने महिलामा ३९ प्रतिशतले चर्पी प्रयोग नगर्ने तथ्यांकले देखाएको छ । सुदूरपश्चिमका ९ जिल्लामध्ये ५ वटा जिल्ला खुलला दिशामुक्त घोषणा भइसकेको छ ।
सरसफाई तथा खानेपानीको पहुँचबाट सुदूरपश्चिमाञ्चल क्षेत्र देशको सबैभन्दा अगाडि रहेको छ । सरसफाइमा सुदूरपश्चिममा ९९ प्रतिशत र खानेपानीमा ८८ प्रतिशत पहुँचमा रहेको छ ।
