पारस खड्काको टिम धनगढीको पहिलो जित

धनगढी टिमले दिएको १ सय ३७ रनको लक्ष्य पक्ष्याएको काठमाण्डौँ गोल्डेन्स निर्धारित २० ओभरमा सबै विकेट गुमाउँदा १ सय २५ रनमा समेटिएको हो । काठमाण्डौँका सन्दिप झोरले सर्वाधिक २८ तथा सोमपाल कामीले २४ रन बनाए । बलिङतर्फ धनगढी टिमका आरिफ सेख र सौरभ खनालले समान ३ तथा रामनरेश गिरीले २ विकेट लिए ।

यसअघि टस जितेर पहिले ब्याटिङ गरेको धनगढी टिम चौराहाले निर्धारित २० ओभरमा ८ विकेट गुमाएर १ सय ३६ रनको योगफल तयार पारेको थियो । उसका आरिफ सेखले सर्वाधिक ५८ रनको अर्धसतकीय पारी खेले । ४५ बल खेलेका उनले तीन छक्का र ५ चौका प्रहार गरे । त्यस्तै अनिल मण्डलले २९ तथा सौरभ खनालले १६ रन जोडे ।

 

 

photo

NOC1-250x300