पाठेघरको अप्रेसन गर्ने क्रममा आन्द्रा काटिँदा बिरामीको मृत्यु

midat-hospital-312762015२१ जेठ, ललितपुर। ललितपुरको लगनखेलस्थित मिडाट अस्पतालमा पाठेघरको अप्रेसन गर्ने क्रममा आन्द्रा काटिँदा बिरामीको मृत्यु भएको भन्दै मृतकका आफन्तहरुले अस्पतालमा तोडफोड गरेका छन् ।

अस्पतालमा मृतकका आफन्तहरुले विरोध प्रदर्शन समेत गरेका छन । काभ्रे बनेपाका ५३ वर्षीया राजकुमारी श्रेष्ठको पाठेघरको अप्रेसन गर्ने क्रममा आन्द्रा काटिएको हो । आन्द्रा काटिएपछि उनको मृत्यु भएको थियो ।

विरामीको आफन्तले चिकित्सकको लापरवाहीका कारण बिरामीको मृत्यु भएको आरोप लगाएका छन् । विरामीलाई जेष्ट १५ गते अस्पताल ल्याईएको र १६ गते अप्रेसन गरेको उनीहरुले बताएका छन् ।

ललितपुर प्रहरीले व्यवस्थापन र पीडित पक्षबीच सहमतिको प्रयास भइरहेको जनाएको छ ।

घटनाका बिषयमा अस्पताल व्यवस्थापन पक्षले कुनै जानकारी दिएको छैन ।

 

 

photo

NOC1-250x300