निर्वाचनका लागि यस्तो छ आयोगको तयारी

२८ कात्तिक,काठमाडौं : निर्वाचन आयोगले आसन्न प्रतिनिधिसभा र प्रदेशसभा सदस्य निर्वाचनका लागि आवश्यक सबै तयारी पूरा गरिसकेको जनाएको छ ।

Election-commission-of-Nepal-e1508850635572आयोगका प्रवक्ता नवराज ढकालले पहिलो चरणको निर्वाचन हुने स्थानमा मंसिर ७ गतेभित्र सबै सामाग्री पुर्याइसक्ने जानकारी दिए । आयोगले मतदानका लागि प्रयोग हुने स्वस्तीक छाप, मसि, कलम, मतपेटिका, कपडाका साथै निर्वाचन शिक्षाका लागि प्रयोग गरिने बिभिन्न प्रकारका पोस्टर, निर्वाचनका सम्बन्धमा बारम्बार सोधिने प्रश्नको जवाफ, हातेपुस्तिका, स्रोत पुस्तिकाजस्ता शैक्षिक सामग्री पनि जिल्ला पुराईसेकेको र केहि बाकि रहेका जिल्लामा आगामी मंसिर सात भित्रै पुराउने योजना रहेको प्रवक्ता ढकालले बताए ।

त्यस्तै उनले निर्वाचनका लागि कर्मचारी पठाउने कार्यलाई पनि आयोगले अन्तिम रुप दिएको भन्दै कार्तिक ३० गतेदेखि नै कर्मचारी सदरमुकामबाट हिँड्ने जानकारी दिए । उनले दोश्रो चरणको निर्वाचनको हकमा मतपत्र छाप्ने कार्य पनि जारी रहेको भन्दै मतपत्र सामाग्रीहरु ढुवानी भईरहेको बताए । मंसिर १० गतेभित्रै दोश्रो चरणको निर्वाचन हुने स्थानमा सामाग्री पुराउने आयोगले जनाएको छ ।

 

photo

NOC1-250x300